K Square 4 Restaurant and Bar (Closed)

天氣熱最好啤啤佢，旺角的酒吧主要集中於黑布街，又或者去到太子先有，不過今日竟然有新發現，在朗豪坊向海皮方向行落兩條街，竟然有間小酒吧，靜靜地都幾好坐。有1664同埋Stella Artois生啤，不過今日唔飲生啤，始終放寬晚市無耐，心入面覺得飲支裝啤酒似乎係唔錯的選擇。今次試了老闆推介的德國手工啤 Tap 5，入口好香麥味，仲帶少少菠蘿果香，不過酒精度就好似勁過平時的啤酒。我朋友就飲了Tap 7，佢話麥味好濃，口感幾好。呢隻牌子出面好似唔多地方有，下次會再黎啤啤佢。