Nardo's Cafe (Closed)

今晚第一次嚟呢度，但相信以後絕對會繼續再嚟。因為呢度食物高質，環境舒服。👍👍👍今次識嚟，因為朋友帶路，佢係熟客仔，亦都真係無介紹錯。喺朋友介紹下，叫左個派對套餐A1(每位$168，4位起)，包小食、一款頭盤、兩款主食、飲品，份量按人數計。🥗凱撒沙律蔬菜新鮮爽脆，無渣；沙律醬十分出色，係正宗凱撒沙律醬，濃郁而帶有獨特嘅鹹香及開胃嘅酸味。🥟日式餃子面層灑滿木魚碎上枱時見到不停擺動嘅木魚碎，更添氣氛。而味道亦不俗，有肉汁。🍗🥠🧅小食併盤呢個好好食😋全盤小食炸得金黃，但全無油膩感覺。小食包括蜜糖雞翼、咖喱角、春卷、麥樂雞、洋蔥圈。除左麥樂雞普通d，其他各樣都非常好，夠香脆；春卷、咖哩角皮薄，餡料香。🍛鮮茄茸鴨胸燴意大利飯茄茸很足料，啖啖蕃茄香；鴨胸切得細細件，吃得方便之餘，伴飯食味更濃，更混有煙肉、蘑菇，令味道變得多元。唯一美中不足係未做到意大利飯獨有果種硬度，少了咬口。🥘香草忌廉雜菌煙肉長通粉忌廉汁非常香濃，有芝士香，長通粉軟硬適中。亦要讚餐廳選用長通粉，因為長通粉嘅坑紋能沾上更多汁料，令每啖入口都食到非常creamy、濃郁嘅忌廉汁。🏺最後係飲品，係jar上，而且無限添飲，食完香炸小食或食完