Video
Read full review
2022-11-16
98 views
喺旺角金鑽壐有間經已6年嘅日本餐廳鮨心·旬節。佢哋為慶祝6週年出咗23品omakase，依家仲有2人同行1人半價，不過佢哋只係星期日至星期四供應。燒鱈魚乾啱啱燒起，熱辣辣脆卜卜，調味得宜帶點點嘅辣味，越食越惹味。前菜有三款分別係磯煮八爪魚、鮟康魚乾同埋海月（即係水母）八爪魚煮得夠腍身入味，鮟康魚依家當造夠哂肥美，水母經過調味，帶微酸口感爽脆，令人食完更開胃。刺身白子：口感Creamy，鮮味十足。石垣鯛：係𩶘魚科嘅一員，喺白身魚之中較為肥美，只需蘸醬油芥末就能突出魚嘅鮮味。鮫鰈魚：嚟自北海道嘅鮫鰈魚嘅魚邊，喺上面仲有鮫鰈魚嘅魚肝都係配以醬油芥末就可以食到魚肉本身嘅鮮味。令和怪物 大船渡灣最近大熱嘅蠔，經常喺日本餐廳都會見到，佢嘅特色係佢嘅size超大，蠔肉夠哂飽滿，海水味重，而喺蠔面加上師傅自家製嘅青檸啫喱，食落更加清新清爽。煙燻鰆魚櫻花木嚟自三重縣嘅鰆魚用禾稈草燒製，再以櫻花木作煙燻，師傅一開蓋就經已聞到有陣陣櫻花木嘅香味。而魚肉亦帶有禾稈草獨特嘅氣味，而魚肉口感較彈牙，喺上面仲加埋師傅特製嘅洋蔥汁，食落更惹味。料理紙包金鯛用紙包嘅方法處理，喺紙入面除咗有金鯛魚肉之外，仲加入百里
燒鱈魚乾
啱啱燒起，熱辣辣脆卜卜，調味得宜帶點點嘅辣味，越食越惹味。
前菜有三款分別係磯煮八爪魚、鮟康魚乾同埋海月（即係水母）
八爪魚煮得夠腍身入味，鮟康魚依家當造夠哂肥美，水母經過調味，帶微酸口感爽脆，令人食完更開胃。
刺身
白子：口感Creamy，鮮味十足。
石垣鯛：係𩶘魚科嘅一員，喺白身魚之中較為肥美，只需蘸醬油芥末就能突出魚嘅鮮味。
鮫鰈魚：嚟自北海道嘅鮫鰈魚嘅魚邊，喺上面仲有鮫鰈魚嘅魚肝都係配以醬油芥末就可以食到魚肉本身嘅鮮味。
令和怪物 大船渡灣
最近大熱嘅蠔，經常喺日本餐廳都會見到，佢嘅特色係佢嘅size超大，蠔肉夠哂飽滿，海水味重，而喺蠔面加上師傅自家製嘅青檸啫喱，食落更加清新清爽。
煙燻鰆魚櫻花木
嚟自三重縣嘅鰆魚用禾稈草燒製，再以櫻花木作煙燻，師傅一開蓋就經已聞到有陣陣櫻花木嘅香味。而魚肉亦帶有禾稈草獨特嘅氣味，而魚肉口感較彈牙，喺上面仲加埋師傅特製嘅洋蔥汁，食落更惹味。
料理
紙包金鯛
用紙包嘅方法處理，喺紙入面除咗有金鯛魚肉之外，仲加入百里香去除魚肉嘅腥味，一打開嗰下就聞到好濃嘅百里香香味，魚肉有滿滿嘅肉汁，肉質嫩滑。
去到食壽司之前，師傅會問下食啱食薑，我哋唔食薑師傅就比咗佢自家醃嘅蘿蔔。
壽司
石垣貝
鹿兒島梭子魚
富山灣白蝦
青森縣深海池魚
秋刀魚
中拖羅
大拖羅
東京灣鯖魚
北海道赤海膽
每一款都有自己出色之處，白蝦同埋鯖魚係我最有印象，白蝦用木紋昆布做咗個昆布漬配埋自家製嘅蝦油醬油，令蝦味更加濃郁。而鯖魚師傅會將燒紅嘅備長炭放喺魚肉表面，令魚皮都帶有備長炭嘅香味。
卷物
呢款手卷口感勁豐富，用香脆嘅紫菜包住赤身、拖羅蓉、天婦羅碎，而喺最頂端加入滿滿咸鮮嘅三文魚籽，鮮味十足。
蒸蛋
茶碗蒸嘅蛋蒸得好滑，入面有年糕都係第一次見，食落好特別。
魚湯：魚湯鮮甜無比，有奶白嘅湯色，而入面仲有件豆味濃郁嘅豆腐。
甜品
赤肉蜜瓜
黑糖蕨餅
最中餅配有朱古力雪糕
呢三款都係甜度適中，又夠清新清爽，可以為呢餐豐富嘅omakase 劃上一個完美嘅句號。
Post
