Video
Read full review
2016-08-16
2026 views
旺角嘅Café開到成行成市，但今次想搵一間食物質素好啲嘅café，慢慢坐低傾計，細嘗晚餐。呢間Café雖然冇棋玩，但係有飛鏢仲有卡拉OK唱，卡拉OK我地就冇唱，反而我哋玩咗飛鏢機。而餐廳外面有個室外空間花園，客人可以選擇坐出邊或者入邊，但係夏天天氣太熱，所以都係坐翻入邊好d😂睇完餐牌之後我哋揀咗個二人餐再另加左一個生蠔拼盤，二人餐好豐富，有頭盆、餐湯、沙律、甜品同飲品！🤓二人餐比起平時嘅café每人都係貴多$20至＄50左右，但係食物嘅質素就高好多， 而且款式亦都多好多！生蠔拼盤: 雖然生蠔唔算十分肥美，但係勝在夠晒新鮮，配埋佢哋嘅特製辣汁，唔錯👍🏻煙三文魚胡麻蘆筍卷: 煙三文魚配蘆筍就見得多，加埋胡蘆醬又幾夾同更加開胃。凍蝦杯: 每隻蝦嘅size大隻個手指公，而且十分之爽口👍🏻👍🏻最細心嘅係凍蝦已經剝咗殼，唔使驚整污糟隻手！牛油帶子: 帶子除咗有香濃嘅牛油味之外，仲有少少香草味👍🏻沙律及餐湯: 沙律份量好多，最好嘅係超級多醬汁，每一啖沙律都有醬汁，唔會覺得dry。但係餐湯稍為有d淡同稀，而且南瓜味唔夠🙊肉眼扒: 主菜之一，非常大塊，大過我兩隻手板，相當抵食😂但係牛扒稍為熟左少少，有啲
睇完餐牌之後我哋揀咗個二人餐再另加左一個生蠔拼盤，二人餐好豐富，有頭盆、餐湯、沙律、甜品同飲品！🤓二人餐比起平時嘅café每人都係貴多$20至＄50左右，但係食物嘅質素就高好多， 而且款式亦都多好多！
生蠔拼盤: 雖然生蠔唔算十分肥美，但係勝在夠晒新鮮，配埋佢哋嘅特製辣汁，唔錯👍🏻
煙三文魚胡麻蘆筍卷: 煙三文魚配蘆筍就見得多，加埋胡蘆醬又幾夾同更加開胃。
凍蝦杯: 每隻蝦嘅size大隻個手指公，而且十分之爽口👍🏻👍🏻最細心嘅係凍蝦已經剝咗殼，唔使驚整污糟隻手！
牛油帶子: 帶子除咗有香濃嘅牛油味之外，仲有少少香草味👍🏻
沙律及餐湯: 沙律份量好多，最好嘅係超級多醬汁，每一啖沙律都有醬汁，唔會覺得dry。但係餐湯稍為有d淡同稀，而且南瓜味唔夠🙊
肉眼扒: 主菜之一，非常大塊，大過我兩隻手板，相當抵食😂但係牛扒稍為熟左少少，有啲邊位過咗火。
羊架: 主菜之一，我最愛既羊肉😙落單時講咗5成熟，所以羊架肉質十分鬆軟唔會韌口。而且羊架冇蘇味，配埋薄荷醬更加清新😋
Post
