燒烤堂 (Moved) New Location

旺角餐廳選擇好多 今晚就同朋友嚟燒烤堂試下d串燒 由旺角E1出口行過嚟都係五分鐘 嚟到呢邊比較靜 估吾到有間串燒店~ 一入到去就受到店員熱情及禮貌的款待 俾人感覺好friendly 我地分別叫左秘製燒羊架 鹽燒prime牛小排 鹽燒牛舌芯 地道牛肉串 牛肉味道十分濃烈 牛舌芯厚切爽脆 充滿肉汁 三串牛肉都吾會un 其中為prime牛小扒和牛舌芯最好味 我地之後仲加單叫多串添😝店員告知我地免治雞肉棒已經賣完 所以我地就叫雞皮墨魚滑 鹽燒雞軟骨 鹽燒雞中翼雞皮燒到好脆 夾埋滑嫩爽口的墨魚滑 呢個配搭好新鮮 大讚！ 雞軟骨同雞中翼調味適中👍🏼之後我地就叫左d海鮮類 蒜蓉燒廣島蠔 蒜蓉粉絲燒活元貝 兩者好重蒜蓉味 廣島蠔同元貝都好大粒🥰 我地仲叫左個牛油焗雜菇 金菇好重蒜蓉牛油味😝😚食串燒又點少得野飲呢！ 我地就叫左杯青檸梳打店員一早幫你吉好d青檸 酸酸地好解膩～食左咁多野都係每人二百幾蚊 下次都會推薦朋友嚟食🤤