立鮨 (富達大廈)

Open Now

Now Closed

同朋友仔響MK睇完戲，就響附近搵野食醫肚，揀左呢間平價壽司店，估唔到野食CP值幾高，質素仲要唔錯🥰❀特選三文魚盛合❀有三文魚、三文魚腩、火炙芝士三文魚、辣三文魚同埋三文魚卷，咁多先$60，當中我最鐘意三文魚腩，食落肥美滑嫩，好有魚油香；而芝士三文魚經過火燒後，有少少焦香，魚油出哂黎😝❀特上吞拿魚盛合❀想豪少少就可以試下呢款，有大拖羅、中拖羅、赤身、火灸吞拿魚同埋吞拿魚蓉軍艦，大拖羅脂肪分布好似雪花咁，入口即溶，味道鮮美。❀油甘魚及珍寶赤蝦刺身❀油甘魚食落淡淡甘甜，魚味濃郁細膩，肉質幼滑；赤蝦味道似牡丹蝦咁鮮甜，但價錢就親民得多，$29就有2隻😚❀市場三式魚生飯❀有海膽、三文魚籽& 吞拿魚蓉，海膽味道甘甜，質感細膩，好新鮮，食落入口即溶咁；三文魚籽好鹹香，配埋吞拿魚蓉撈飯食，簡單又美味，話咁快就食哂成碗😣❀鮟鱇魚肝小食❀好似鵝肝咁，但比較細膩，切成一粒粒好方便食。❀白子小食❀白子經過微微火灸，食落綿密滑嫩，完全唔腥，配埋柚子醋汁好好食。