沙田頭火鍋 (Closed)

同老公喺朗豪坊睇完戲，行番出砵蘭街睇下有咩好食，佢話想打邊爐，啱啱就見到有間火鍋小店都幾多人，就去呢間試下。 揀咗鴛鴦湯底，有我喜愛嘅芫茜皮蛋湯同埋老公必選嘅特製沙嗲湯。芫茜份量多，皮蛋亦唔會嗆喉。沙嗲湯底味濃稠惹味，花生味🥜香濃。 特級手切本地肥牛🐮：打邊爐點少得肥牛呢，肉質軟稔，含豐富大理石花紋，油香與肉味比例平均，牛味亦夠濃郁。👍 珊瑚花枝丸：職員介紹嘅新菜式，有芹菜同珊瑚蚌，爽口又彈牙。上面有蟹籽，非常爽脆，增加口感。 自家手打四寶丸🍡：有鯪魚丸、墨魚丸、鮮蝦丸、梅菜豬肉丸，粒粒都係手打，都算幾彈，鯪魚丸完全無腥味；墨魚丸食落有墨魚粒，好有口感；鮮蝦丸新鮮爽口；梅菜豬肉丸亦都有好香梅菜味。😋 叫咗3種唔同嘅餃🥟，包裝自家韮菜餃、自家鮮蝦靚雲吞、自家鳳城靚水餃，粒粒都皮薄餡靚。韮菜好多好香，鮮蝦又爽，水餃有爽口木耳絲。 白菜仔🥬新鮮爽甜，顏色翠綠。