沙田頭火鍋 (Closed)

同朋友喺旺角行完街，又攰又肚餓，搵到附近有間港式火鍋「沙田頭火鍋」，我哋兩個都係邊爐控，又唔想行咁遠，一於就試吓呢間火鍋店！原生椰子文昌雞鍋拼特製沙嗲湯鍋（$208）呢排天氣仲係好乾燥，好想叫滋潤火鍋湯底，店員推介椰子文昌雞鍋，係幾唔錯，湯底好清甜，又多料，我飲咗幾碗湯！而沙嗲湯底都好濃郁夠味！美國頂級牛小排（細）（$238）打邊爐點可以唔叫牛肉，叫咗個細嘅牛小排，估唔到份量都唔細，牛肉食落有質感！四寶丸（$98）有4種店舖自家製嘅手打丸，彈牙爽口，幾高質！蜂巢豆腐（$38）軟腍腍滑嘟嘟！西班牙黑豚肉（$148）切到一塊塊薄薄地，好新鮮，肉質扎實但又幾彈牙！雞脾菇（$38)朋友至愛，大大塊，新鮮爽口！➺➺麻辣鴨血($78)見到Menu原來有提供熟食，我好鍾意食鴨血，呢度嘅鴨血煙韌唔鬆散，口感唔錯！➺➺忌廉$14嘆住冷氣打邊爐都食到熱熱地，飲汽水最解渴，$14一罐又幾抵喎！