申子居酒屋

Open Now

Now Closed

相信熟悉旺角嘅朋友都聽過呢間人氣居酒屋，今日約咗朋友食午餐，優惠期間午市套餐買一送一。😊牛肉壽喜燒🐂，大大鍋配金菇，冬菇，娃娃菜，洋蔥，大蔥，好多的牛肉，牛肉味濃無過火，好鍾意呢種甜味，跟珍珠米飯，兩個前菜及麵豉湯好豐富。鰻魚玉子丼，燒香鰻魚配日本燒汁，加大量紫菜，下面一件香甜玉子，同樣跟麵豉湯及兩個前菜係明太子同松葉蟹腳小食，絕對高質。極上塩燒牛舌芯，呢到嘅牛舌原全無騷味，係有牛嘅香味又有牛舌嘅彈性，係必點之一。名古屋風芝麻手羽先🐔，外皮加上芝麻炸得好香脆，裏面保留雞翼嫩滑。申子居酒屋製作食物一絲不苟，絕對係回頭指數極高嘅餐廳。