荷里活冰室 (上海街)

Open Now

Now Closed

前兩日同朋友行完朗豪坊，見對面以前「翠河」個位開咗間新餐廳，門面又幾靚喎，招牌大大個字寫住「荷里活」，好鬼搶眼！門口睇吓佢餐牌，價錢又唔算太貴，一於入去試吓先！可能近期食得多西餐，我同朋友見到呢度有小菜套餐，大家都二話不說，各點一個，一齊share. 我就叫咗京都肉排，朋友就揀咗個大澳賴尿蝦乾啫啫時菜煲。最驚喜嘅係見到餐牌下面寫住加$48可以食到花膠扣鮑魚，喺茶餐廳食鮑魚，真係未試過，即刻同侍應哥哥講要兩份！老實講，小菜啲碟頭都唔係細，味道更加比得上酒樓！貨真價實！但呢個價錢免埋茶介，每人叫個小菜都係幾十蚊，仲要喺旺角鬧市，下次一定再幫襯!