心選 (Closed)

今日有朋友約左我去呢間cafe，平時行旺角都唔多覺，原來有間環境唔錯，食物又高質既cafe。咁我同朋友一人嗌左一個dinner set share食，包一杯$36既野飲，其他補差價就ok。第一樣黎既係煙肉卡邦尼長通粉，首先我幾鐘意佢個硬度，唔會整至好淋，賣相唔錯，味道亦都好出色，有d蛋黃汁，但成個汁唔會食到好"流"，紅色一點點有d脆既感覺幾得意，整體好滿意個味道同硬度。之後黎蒜香海鮮意粉，味道都有意外驚喜，非常好食，會食到蒜香味而且蒜味適中，各樣海鮮都新鮮，特別鐘意個蜆肉，有佢既鮮味再加蒜香味，蝦亦爽口彈牙。朱古力粉好足，朱古力味好濃郁，好重味，賣相都好靚。抹茶鮮奶就唔會太甜，有淡淡既抹茶味，飲落幾清香。整體環境都幾好，令人有舒適既感覺。