Go Dutch Cafe

Open Now

Now Closed

FD話帶我去一間好有誠意啲board game樓上cafe，咁試試啦。 哩間咖啡裝修得幾得意，門口一入來，就看到一串吊燈好似米奇頭咁，好得意喎。晚市都幾多嘢食可以揀，有晚市一人套餐，都有2人套餐，2人套餐398已經包埋2杯嘢飲，2個主菜，1個小食同埋2個甜品，真係抵食。不過, FD話哩間cafe份量都幾大，咁我們試下一人套餐加埋兩個小食已經好足夠。凍檸茶同凍卡布奇諾，估唔到嘢飲咁大一杯，卡布奇諾係冇落糖，凍檸茶落咗少少糖，啱晒我同FD哩啲要減肥唔可以飲甜嘢啲女仔。特濃龍蝦汁海鮮意粉，配料好豐富，有蝦，青口同蜆仔。海鮮好新鮮，食落好Q彈同埋好鮮甜。龍蝦汁好creamy，每一啖意粉都嗦晒龍蝦汁，好好味。臺式鹽酥雞，即叫即整，送上來仲熱笠笠。鹽酥雞粒炸得好香口，點埋D蛋黃醬，好食到停唔落口。雜錦串燒係新menu，一份有3串，可以食晒豬牛雞三款串燒。FD係熟客，老細好熱心送多一串比我們試下。串燒燒得啱啱好，食落好juice，搭配咗辣椒粉一齊食，真係好味到想叫多一份。哩間樓上café質素真係唔錯，仲可以玩board game，可以再encore！