藤 (Closed)

呢間藤位置好方便，位於廣華街。裝修簡潔，座位唔算好多，大約只有10個左右吧枱位置，晚市通常都需要預約。餐廳提供各款sushi set/omakase /散叫手握壽司🍣由師傅即場製作。藤&teng set $328賣相一流，將各款食物擺放咗喺樓梯形狀木架上面，有好多公仔擺設。總共有11款食物，有一碗椰野菜乳湯，豆味好濃郁！壽司包括有金目鯛、深海池魚、甜蝦、凡立貝、醋鯖魚同埋吞拿魚。我就最鍾意深海池魚，爽口又肥美！除咗壽司同埋湯之外，仲有吞拿魚蓉三文魚籽杯，三文魚籽醃漬左，甜甜地好特別，甜品有水信玄餅+熊仔紅豆餅，賣相可愛。炙燒壽司盛盒＄138一共有六件，有魷魚、金目鯛、北海道帶子、三文魚、左口魚、吞拿魚腩，炙燒後帶有焦香，有好幾位落左少少牛油蒜蓉，好香口！藤之海之惠盛合 ＄228壽司飯使用左赤醋，精選六款壽司包括：深海池魚、牡丹蝦、海膽、吞拿魚腩、日本真鯛，都鮮甜肥美！