越滿 (Closed)

同家人試食， 洗衣街都近旺角鬧市， 鋪頭都算多位，夠闊落坐得舒服，壁畫都畫得幾得意， 入返正題，我地點咗11個餸，埋單500蚊都唔使，仲免收加一，嘢飲仲有半價，真係好唔錯。非常推介：燒烏頭$98，我諗成個旺角都唔會有，真心推介大家試!小插曲，我地一家都係唔喜歡浪費嘅人，點咗個椰青，師傅開個頂口開得比較細，我地刮唔到啲椰青肉嚟食，要求幫手開大啲個口，經理都好盡力幫手，我地都有食曬啲椰青肉呀～今日家人已經去食第2次喇，再次幫襯。