第三站

約咗朋友喺旺角食飯，朋友約咗我喺金雞廣場樓上Cafe，今次我都係第一次嚟。環境空間都好寬敞，都幾啱同朋友想搵間餐廳坐低傾吓偈，又唔使咁趕時間走。我叫咗香蒜白酒蜆肉意粉，荔枝綠茶，朋友叫咗西班牙海蝦辣肉腸燴飯，水蜜桃乳酪。整體嚟講食物嘅份量同埋配料好足夠，味道好食。我份香蒜白酒蜆肉意粉，蒜味濃，越食越惹味。我試咗朋友嘅西班牙海蝦辣肉腸燴飯，佢個蕃茄味好濃郁，都係食完會好開胃嘅。飲品方面都幾多選擇，今次嗌嘅呢兩杯，都唔會太甜。