Amplifier Restaurant (花園街) (Closed)

經常都會喺花園街附近搵吓有咩食或者買台式飲品，然後視覺向上唔難發現呢間西餐廳，Amplifier Restaurant走工業風路線，環境十分有格調。餐牌上比較值得一提嘅系餐廳系有handmade pizza，菜式名以吾同國家命名，頗有趣味。另外仲有signature dish for 2-4人食中式乳豬吾系成日食，原來西班牙菜都可以食乳豬😆每一件燒乳豬上面都有無花果，賣相精緻之餘又帶有解膩作用。乳豬肥瘦肉部分均勻，就算系肥肉部分亦吾系比人感覺非常油膩👍🏼沾上芥末醬微微辣夠惹味💛每塊底部亦有玉米脆片🌽爽脆可口。跟住叫咗個水牛城雞翼，有分5隻/ 8隻/ 10隻，我同朋友兩個人叫5隻。雞翼蕃茄醬味非常明顯，酸酸甜甜，辣味就反而吾算明顯，啖啖肉整體好味。黑松露控不能錯過的🖤黑松露野菌意大利飯，黑松露味好明顯，香氣十足，野菌數量好多，成個飯都好creamy。炭烤美國豬斧頭扒，冇個豬字一定以為系牛扒😆搭配紅酒汁、焦糖蘋果，豬斧頭扒豬肉口感偏向實在🙊焦糖蘋果甜甜哋同豬扒match。最後試甜品tiramisu，朱古力粉喺表面，食到中間就試到淡淡咖啡味加濕潤蛋糕層，側邊水果香甜。