Video
Read full review
2022-12-06
281 views
喜惶點心專門店地址: 旺角通菜街17號地下#yauyau_旺角以前佢地用中式茶壺成日滴水，整濕哂張枱，而家用不鏽鋼壺好好多，唔駛攞定張紙巾出嚟。間嘢都好抵食，由讀大學食到而家。🌰🌰脆皮沙嗲牛肉包 $30個包面炸到好crispy，配合埋嗰個好似叉燒包嘅包皮，再加上佢好重沙嗲味嘅牛肉，一鹹一甜，係香港人最鍾意嘅鹹甜口味，應該好多人都鍾意食，呢個係必試。🍤🍤晶瑩鮮蝦餃 $35個蝦餃皮薄餡靚，個皮好煙靭應該好鍾意食。個餡好多汁。啲蝦都好鮮味。🦑🦑尋味沙汁墨魚餅 $33魚餅好足料，啖啖都係墨魚肉，而且好彈牙。男朋友仲拎埋最尾嗰舊嚟食。我仲諗住佢會咬一半俾我食㗎嘛，點知佢真係唔俾我食。🥖🥖蔥花炸兩腸粉 $26呢個真係幾好食，油條應該新鮮炸好，跟住再包埋腸粉個皮可以同時之間食到又滑又脆卜卜嘅口感。加埋佢自己整嘅甜豉油，配埋甜醬同花生醬好夾。🍖🍖鮮肉灌湯小籠包 $32呢個小籠包同出邊餐廳嘅，佢應該係用瘦嘅豬肉，所以佢可能有啲酸，但係口感會比其他出邊餐廳用肥豬肉嘅冇咁油膩，唔使擔心卡路里超標。茶: $6/1人呢間餐廳啱兩個人或者四個人嚟食，大家可以試吓其他點心，例如佢嘅牛肉飯同埋番薯小丸子都好好食㗎。味
地址: 旺角通菜街17號地下
#yauyau_旺角
以前佢地用中式茶壺成日滴水，整濕哂張枱，而家用不鏽鋼壺好好多，唔駛攞定張紙巾出嚟。間嘢都好抵食，由讀大學食到而家。
🌰🌰脆皮沙嗲牛肉包 $30
個包面炸到好crispy，配合埋嗰個好似叉燒包嘅包皮，再加上佢好重沙嗲味嘅牛肉，一鹹一甜，係香港人最鍾意嘅鹹甜口味，應該好多人都鍾意食，呢個係必試。
🍤🍤晶瑩鮮蝦餃 $35
個蝦餃皮薄餡靚，個皮好煙靭應該好鍾意食。個餡好多汁。啲蝦都好鮮味。
🦑🦑尋味沙汁墨魚餅 $33
魚餅好足料，啖啖都係墨魚肉，而且好彈牙。男朋友仲拎埋最尾嗰舊嚟食。我仲諗住佢會咬一半俾我食㗎嘛，點知佢真係唔俾我食。
🥖🥖蔥花炸兩腸粉 $26
呢個真係幾好食，油條應該新鮮炸好，跟住再包埋腸粉個皮可以同時之間食到又滑又脆卜卜嘅口感。加埋佢自己整嘅甜豉油，配埋甜醬同花生醬好夾。
🍖🍖鮮肉灌湯小籠包 $32
呢個小籠包同出邊餐廳嘅，佢應該係用瘦嘅豬肉，所以佢可能有啲酸，但係口感會比其他出邊餐廳用肥豬肉嘅冇咁油膩，唔使擔心卡路里超標。
茶: $6/1人
呢間餐廳啱兩個人或者四個人嚟食，大家可以試吓其他點心，例如佢嘅牛肉飯同埋番薯小丸子都好好食㗎。
味道: 4.2/5
服務: 3.5/5
環境: 3.5/5
番兜: 4/5
#旺角美食 #美食 #好吃 #instafood #foodstagram #foodphotography #yummy #foodiehk #hkfoodie #foodie #igfood #hongkong #hkfood #點心 #旺角點心
Post
