章記香港仔魚蛋王

Open Now

Now Closed

食魚蛋粉我只會食潮州魚蛋粉，唔識分係咪潮洲魚蛋粉就睇下有冇枝魚露喺枱面就知道。牛腩墨魚卷紫菜河 ($48)呢碗係朋友叫嘅，牛腩都多，肥瘦適中，我仲差啲以為係崩沙腩，唔錯。墨魚卷都幾有咬口。其實同墨魚丸冇分別，食得多就當轉下個樣，感覺新鮮啲。紫菜四寶河($48)四寶河有墨丸，札肉，雲吞，魚蛋，豬肉丸，魚皮餃。四寶河嚟講，款式都算多，不過全部味道都冇乜特別。紫菜比較少可以多番啲一碗魚蛋河最值得評論其實係個湯。湯底其實魚味唔係好夠，有啲淡，唯有落多啲有魚露撘夠。好在於佢唐芹芫荽蔥蒜足。整體唔錯。飲品加7蚊有凍柑桔蜜。菜就加10蚊都低食，不過有啲老。