林昌記 (Closed)

砵蘭街呢間篤魚蛋行過幾次都冇開，唔知係佢真係唔係成日開定我唔係成日去砵蘭街，今次又行過，一定要試下。佢特別在除左咖哩魚蛋，仲有白魚蛋，個疑似老細叫我落多d辣椒油，話唔落多d唔好食。我仲問佢會唔會勁辣架，佢答我放心唔辣架。突然覺得好鬼warm，最怕個d姑姑寒寒慌死蝕底的食店。既然你講得你辣椒油自慢，咁我又會對你d辣椒油有d要求喇。香，ok嘅，辣就真係如佢所講，十小辣，所以唔食得辣都可以食。魚蛋方面，十蚊七粒，細細粒，咬落好連好爽幾得意，一定唔係魚蛋粉個種魚，唔腥但有魚味，唔似其他魚蛋檔咁唔知食緊乜咁，不過小食黎講反而幾好。佢仲有黃金蛋，那炸魚蛋，係脆個隻同牛丸，如果下次再見到佢開咪試下佢囉。