Video
Read full review
2022-10-18
39 views
今晚放工又同friend行旺角，買完張六合彩，見到對面有間裝修幾新淨嘅串燒店，又落緊雨，於是就近近地入左去試下。可能三号波，食dinner時間人客唔算多（大約一半滿）。從裝修新淨度，我估呢間係新開嘅，因為枱凳真係好新淨同坐得幾舒服，眼見重有間VIP房，可間開坐四人。言歸正傳，串燒黎講個menu都算豐富，佢分左海鮮類，蔬菜類，肉串類，燒丸腸，日台系列同廚師推介我地眼見隔離枱order嘅食物賣相都好正，於是就每一個種類都order一款試下。廚師推介：韓燒五花肉 (必食）＄68 果然係廚師推介第一位，五花肉燒得又淋又juicy又野味，配埋生菜夾住食唔會因為不停食肉而膩，勁正😍海鮮類：深燒堂特調燒花甲 ＄78，生燒原條秋刀魚 ＄45花甲份量比想像中多，花甲肉算係中size, 食得出鮮味，襯埋有少少辣嘅金菇同個鮮味湯，係真係無order錯。原本打算每一類都只order一款，但個friend見到隔離枱條秋刀魚好香🤩，又order埋。秋刀魚燒得好野味又唔會太乾身，我唔係好食魚嘅都食左三分一，因為層皮太野味，魚肉都好嫩滑，又真係燒得好香。蔬菜類：燒韭菜＄16燒韭菜係我第一次食到最野味嘅韭菜。上碟排得好
可能三号波，食dinner時間人客唔算多（大約一半滿）。從裝修新淨度，我估呢間係新開嘅，因為枱凳真係好新淨同坐得幾舒服，眼見重有間VIP房，可間開坐四人。
言歸正傳，串燒黎講個menu都算豐富，佢分左海鮮類，蔬菜類，肉串類，燒丸腸，日台系列同廚師推介
我地眼見隔離枱order嘅食物賣相都好正，於是就每一個種類都order一款試下。
廚師推介：韓燒五花肉 (必食）＄68
果然係廚師推介第一位，五花肉燒得又淋又juicy又野味，配埋生菜夾住食唔會因為不停食肉而膩，勁正😍
海鮮類：深燒堂特調燒花甲 ＄78，
生燒原條秋刀魚 ＄45
花甲份量比想像中多，花甲肉算係中size, 食得出鮮味，襯埋有少少辣嘅金菇同個鮮味湯，係真係無order錯。
原本打算每一類都只order一款，但個friend見到隔離枱條秋刀魚好香🤩，又order埋。
秋刀魚燒得好野味又唔會太乾身，我唔係好食魚嘅都食左三分一，因為層皮太野味，魚肉都好嫩滑，又真係燒得好香。
蔬菜類：燒韭菜＄16
燒韭菜係我第一次食到最野味嘅韭菜。上碟排得好整齊，燒完後加上辣粉，初時重怕會太辣（因我同個friend都唔係好食得辣）
肉串類：燒脆皮雞中翼＄28
同秋刀魚一樣野味，又係皮脆肉嫩，唔會燒得太乾身，如果唔係order左條秋刀魚，我應該會再order多份燒雞翼
燒丸類：流心芝士丸＄25🍡
呢串芝士丸係個waitress落單時推介，佢話串燒店好少會有呢隻芝士丸，因為呢隻芝士丸成本較貴，於是我地就試下....
但係又真係無介紹錯，同平時打邊爐食開隻芝士丸係有分別。個皮係煙韌彈牙，裡面流心芝士味香濃，不過要小心熱，差d熱到辣親
日台系列：日本漿燒年糕串＄28🍢
呢個又係個落單waitress介紹。個年糕超煙韌，皮面日本漿汁都好濃味，呢串年糕係有surprise, 我諗唔係間間串燒店都有，而且真係堅好食
其實食串燒應該一定要飲啤酒🍺，呢度啤酒選擇有嘉士伯，藍妹，Asahi, 健力士同1664🍻🍻，可惜今晚有下場，要留返quota.🤣🤣
總括黎講，呢間起MK嘅串燒店絕對有驚喜同好食。服務態度都好好，有留意我地食完每一碟就收走空碟。上菜時間都適中，大約五分鐘左右上一碟，因為佢每碟都係即叫燒，串燒店黎講都叫快上菜。如果去開MK又唔想再食西餐，日本餐，韓國餐，火鍋嘅話，呢間係絕對值得一試嘅串燒居酒屋（因為有啤酒飲）
食左咁多野，埋單都係每人＄150，我自己就覺得CP值好高。係同朋友傾計飲酒食串燒嘅好地方！
Post
