千房 (Closed)

旺角T.O.P.一直係後生潮人地，今日和朋友行街係四樓食個lunch。鐵板牛肋肉 $78鐵板上，中間係白飯，旁邊有芽菜，甘筍絲，菠菜，洋蔥，主角牛肋肉，日式蒜蓉汁。配菜預先淋左汁，好好味。牛肋肉牛味超濃，最岩我地中意食牛肉的人，配埋個蒜蓉汁，送飯一流！配味噌湯和冬菇絲，個湯中規中矩，冬菇絲好香好軟好好味。豚肉燒 $68生配料上，自己燒。唔使驚唔會做，因為有教程放定係檯面，傻瓜式跟住做就ok。將配料撈渾，倒落鐵板煎，得閑翻下，將豚肉放旁邊一起煎熟，做好後放醋醬，沙律醬同木魚絲，大功告成！做好後效果超專業！自己做，食得令舍開心！如果唔想自己動手，可以坐吧檯睇住師傅做，一樣有得睇有得食！