千房 (Closed)

尋日本來經open rice預約左18：30 ，但係上到去無開門，而且個樣好像已經無開門一段時間，究竟係咪已經執左？好無奈。幸好同一商場仍有唔少食肆，最後幫襯左另一間

我地怕呢間人氣過江龍會有好多人所以就預先卜左枱, 點知去到見到間餐廳勁空, 就算wall-in都有大把位🙂 食物既選擇都算多, 大阪燒都有好幾款俾你揀🤓 我地都叫左3個大阪燒, 不過其實食落味道個個都差唔多係配料唔同😂 自選DIY(雞絲/柱貝粒/洋蔥粒/櫻花蝦乾)($88) 話明係自選梗係自己揀配料同埋自己整啦😂 店員會俾塊牌同埋個計時器你, 咁你就可以好好掌握烹調既時間, 有得食又有得玩係唔錯既體驗🌝千房燒($123)同埋芝味廣島豪燒($101)相比我地既自選DIY好好多, 因為係廚師煮俾我地😎 另外我仲叫左蛋包麵($98) 我覺得咁多樣食物入面呢樣最特別, 因為係好似蛋包飯咁不過入面變左炒過既粗麵🍜 蛋味好香而且個麵味道炒得啱啱好又唔會過份油膩👍🏽 最後仲有兩個小食, 雞腎鐵板燒($45)同埋香脆鐵板餃子🥟($55), 個餃子係四方形,個皮真係好脆同埋餡料好juicy,再點埋個汁真係好正其實大板燒係一個幾好既體驗, 玩得又食得, 不過真係要好有耐性😂 我就冇咩耐性所以麵係prefer 廚師煮👩🏽‍🍳 整體黎講食物質素唔錯, 不過全部食物加個大板燒醬同埋柴魚就完全係冇得輸

經過旺角新商場, 大鄉里第一次來。shopping過後，朋友話帶我去個又有得食、又有得玩的餐廳。曾在網上見人介紹過日本有這種自助自家制的大阪燒店，原來香港也都引進了 (對我來說真的非常新奇)。我地點了大阪燒，正想自己玩之際，店員姐姐服務實在太"好"! 定我依家轉成非常之有意見！一直係我哋側邊不停唔俾我哋做啲乜！要我地做啲乜！令我感覺都唔似我自己有得話事！只比左一圈油我地，而且唔可以比我地加大個溫度，本身都聽佢建議，不過等左15分鐘個爐都唔熱，而店員EE又唔比我地加熱，真係唔太高興👎🏿👎🏿👎🏿 感覺上有啲俾錢買谷氣！最後係覺得貴同唔飽，麻麻地。

上次去大阪都無玩過鐵板燒，見到香港竟然喺旺角新商場T. O. P 開咗間千房，就即刻去試吓。星期六下晝12點幾過去，一個人都無。爭d以為佢未開門。打開menu, 有各種大阪燒，但即時比個蔬菜燒吸引，因為佢勁多芫茜！！馬上叫份試吓！！好香口，入面仲有牛筋，蕃茄，蒜片(?) etc下次黎 會再叫！仲叫咗份辣炒麵，醬汁足夠，都幾辣幾開胃。加上有鐵板喺度，慢慢食都唔驚d野變凍。本來仲想試飲沖繩菠蘿啤酒，點知無晒.... 唯有下次再黎啦

午餐時間旺角到處都也多人、所以便揀了千房一試、因見一個人也未有，一試便知道為什麼無人食。首先叫了侍應落單、但...態度很差、（真的不想給服務費、因...無服務可言）另食物一上簡直是OMG、麵鼓🥣超咸，鰻魚抄飯有油益味、凍奶茶似水的...總之就是無下次😡😡😡

18-10-2019昔日戰友相聚之夜! 上次係TOP試過韓燒, 感覺呢間商場既食肆質素不錯, 人流唔算太多, 坐得幾舒服... (但普遍價錢都偏貴🙈🙈)今次我建議食4/F既千房大板燒!我地三人剛坐下, 店員就已經預熱枱中間既鐵板 (?), 令到現場氣溫好熾熱之餘, 大家也好期待一會兒可以親自動手燒... 我地點左一個2人套餐 (枝豆, 炸物拼盤, 海鮮拼盤, 軟殼蟹大阪燒, 海鮮炒麵, 鐵板炒野菜), 另加一客香脆鐵板餃子!原來所有鐵板燒都已經煮熟, 上枱放在鐵板上只係加熱😬😬 同我原先諗既唔一樣... 海鮮炒麵同軟殼蟹大阪燒味道都可以, 大阪燒好厚, 食落口感豐富, 餸啤酒一流! ... 但鐵板餃子太鹹了, 五隻餃子都好鹹😭😭 整體黎講, 份量都適中, 可能肉類先係呢度既主打... 店員主動斟水3次, 值得一讚!

T.O.P呢個商場開左都一段時間，平時都好少行，今日咁岩係到行下就發現左呢間大阪燒既野，7點幾左右黎到，都冇咩人食所以唔洗等位。但餐廳內有7成既位都係空，但唔知點解都要安排我地坐係已經有坐既台隔離😥搞到傾計唔太方便。由於我地兩個女仔，食量唔太多，只係叫左小食，一個大阪燒同炒麵。一心諗住有個鐵板可以自己燒下，點知上到黎既食物已經係熟曬，鐵板只係象徽式熱住佢。再睇清楚menu，原來係有一隻大阪燒係可以DIY，建議店員可以主動向客人解釋分別。我地叫左燒雞腎小食($48)，份量唔多，味道不過不失，有點硬。之後就上豚肉泡菜炒麵($88)，炒麵係用日式果隻麵，味道偏濃，口味比較重既可以試下，唔油膩麵身食落唔會好乾身。但份量真係少，兩個女仔分都只係岩岩夠食。最後，終於上左今晚主角豚玉燒($68)，岩岩黎嘅時候都係得醬汁，其他係自己再加工，倒如紫菜粉、柴魚片、沙律醬。整體來說，食物水準一般，但食物份量偏細份，唯有粉漿增加飽滯感覺。

叫左：關西風香蔥雞蛋大阪燒激辛特製醬汁日式炒麵開頭仲諗緊，點解個個整嘅大阪燒都咁靚？原來係整定嘅，個鐵板只係要來熱住佢 🤦🏼‍♀️食物只係保持係溫暖嘅溫度，港式風味重。對於向來喜歡DIY大阪燒的我冇得整頗為失望冇食過日本嘅千房比較唔到，但聽講日本既質素係非常高。貫徹左Top商場一貫特色，唔難食又唔好食，價錢稍高 🤣

第一次喺香港食大阪燒，貪得意叫左一款自己DIY嘅大阪燒。店員只係放低一張指示排就行開左，我哋望住張指示牌想問多少少嘅製作程序，店員好似都唔係好知點答，都係話做法睇番張指示就OK㗎啦服務呢方面好似差少少！最後都係自己亂整一通，都幾得意嘅首先要自己攪混啲材料，再落鐵板上燒檯上有Timer，每面大概煎4分鐘，來回煎3次。所以要花最少30分鐘先整好個DIY大阪燒。味道係唔錯嘅，既有得玩，又有得食。

係大阪試過千房,未試過香港既大阪燒,趁住tea time無乜人就黎試下。Tea time時間只有三檯客人,我地兩位,侍應都安排已有兩人嘅四人座位畀我哋,而其實周圍有好多吉檯。Tea time仍有午餐可供選擇,以日式店鋪黎計,$68蚊(未加一)係十分之抵。我揀咗芝士年糕+海鮮大阪燒+抹綠奶茶朋友揀左魚餅+西京燒+柚子蜜茶。魚餅熱辣辣 入邊係有芝士,雖然有少少油但係好好食 相反芝士年糕就好似翻炸嘅咁,層皮好似鹹水角,油膱味好重西京燒好滑,賣相亦幾靚,配上白飯,係一個唔錯嘅選擇。至於海鮮大阪燒就好失望,賣相好好,但我食嘅第一啖, 就係一堆蜆殼(如圖7所示),成啖有好多蜆殼碎,好彩我係大人,亦無界親口腔,如果係小朋友食,可能會唔小心吞咗我即刻叫個職員過嚟睇下,佢睇完之後話畀我聽可能係貝殼海鮮碎,無講可以更換,亦冇道歉,只係睇一睇。 然之後,我地就唯有食得好小心每一啖都細細啖。過咗一陣頭先個男侍應再過嚟問我哋仲有冇食到殼碎,我哋話冇,佢就同我哋講話唔好意思。而呢度嘅大阪燒,同日本既千房有好大出入,呢度既好厚粉。我哋食到7788嘅時候有個類似洗碗嘅姐姐(年紀比較大,著住圍裙,本身一直唔喺樓面)無啦

有次約了朋友Happy Friday，放工相約了中間點旺角站，趁機會去了新商場T.O.P.，當中有一間是吃大阪燒的「千房」就試一試了。剛好坐了吧台位置，廚師料理的話可以一邊聊天、一邊觀看廚師即席的烹調的菜式，是一種不錯的選擇，最適合打卡post ig！我選了「豚肉燒」，味道都OK的，不會有很多粉的感覺，又不會太有油膩、鬆散感，這裡的都剛剛好，最緊要是有配料自行加上，醬汁、沙律醬，當然少不了柴魚片！另外點了一客「豚肉泡菜炒面」，鐵板上菜可以保持熱度，不過不失的，面條不會太濕的那種，有彈牙口感，但泡菜味不太有辣味，有進步的空間。

喺日本食過幾好食 近呢一年先見香港都開左 同朋友黎食下！8:00唔洗點等位 我地4個人唔算太餓 叫少少食就ok 舖面不算大 但都算坐得幾舒服 幾清靜千房既野食款式比道頓堀少d 😯😯冇特別既甜品食 我地叫左個千房大阪燒（$123）岩岩好切買份 唔算好出色 不過不失 比廣島燒好食廣島燒芝士味唔算重 加d醬汁會更好食！牛舌好香口 但就較細份 一人一啖就食哂😯整體都不錯 但同道頓堀相比道頓堀較出色🙈🙊埋單每人大約8十幾蚊 都算幾抵👍🏻

見到餐牌有勁多選擇而且都十分清晰揀咗都幾多野食📃特盛海洋大阪燒、醬燒日式炒飯豚平燒、香脆鐵板餃子------------------------------1.特盛海鮮大阪燒 $88呢間餐廳有自己燒或者交畀廚房燒當然嚟到就緊係試下自己燒啦職員仲會畀埋個計時器⏳拎嚟計住整大阪燒嘅時間海鮮份量我覺得可以👌大阪燒自己整質素真係因人而已不過調味料都有好多🍴紫菜粉、鰹魚乾、大阪醬呢啲都係大阪燒應有嘅配料嚟都係唔錯，必點之選👍------------------------------2.醬燒日式炒麵 $68醬汁唔油膩 麵身食落唔會好乾身配料亦都足料and好食👀味道方面就比較平庸普通炒烏冬嘅感覺🤔------------------------------3.芝味豚平燒 $50呢個比較特別係用蔥花蛋包住啲豬肉🐖再加啲醬汁係上面重點係入口好軟好淋啲蛋🥚嫩滑嘅感覺加上豬肉 口感相當好 超級好食👏而且加咗蔥花嘅蛋提升整個味道值得推介!👌------------------------------4.香脆鐵板餃子 $50餃子嘅外形相當特別扁身、八方形樣都係第一次見到不過食落仲有少少麵粉💨餡唔多得一舊仔因為

今日為了大阪燒而慕名而來到旺角T.O.P的千房，不需等位，又冇時限，可以慢慢揀，最後揀咗特盛海鮮大阪燒和醬燒日式炒麵。這裏可以選擇DIY或廚師料理，廚師料理這選項，非常方便我這種不想動手的客人。特盛海鮮大阪燒不用我多講，見其他食家的評語，就知好食，不過我比較想推介一下，醬燒日式炒麵，視覺告訴我，這只是炒麵，但食落味道一流。放在桌旁的配料—醬汁、沙律醬、海苔和會跳舞的柴魚片，想點加都得，可因應自己喜好令菜餚升上另一層次。

有得玩、有得食、有得打卡，一次過滿足你三個願望呀！還記得第一次接觸大阪燒真係响大阪，不過當時香港未流行，所以只可以家中用平底鑊DIY，而家出街都有得整，當然方便好多啦，起碼唔駛買大量材料，煮食器材又夠大，又可以同朋友一齊玩，仲有價錢又抵喎，所以行開旺角，不妨去玩下。豚玉燒 $68⭐️⭐️⭐️只得兩款大阪燒可以DIY，所以揀咗最基本嘅豚玉燒，未整之前已經熟讀教學，點知煎咗成十幾分鐘個底仍然未成型，於是試下自己較大少少個火，無耐就成型可以開始翻第一次，overall係好玩嘅，唔識煮飯都可以玩嘅煮飯仔，只要跟足指示去做，個個都係大廚，而味道都可以嘅，因為最後會响大阪燒面加醬汁、沙律醬、紫菜同木魚4款滋味材料，但口感就差咗少少，因為椰菜切得太碎，無咗爽脆感蛋包麵 $88⭐️⭐️⭐️⭐️廚師整好先上枱，店員會將個蛋包麵直接放响熱板上面，主要原因係令個麵持續保溫，但有個唔好處係個蛋會變乾，好彩個麵好好食啫，令蛋嘅存在感大大減低，個麵直頭好味過食鐵板燒嘅日式炒麵，爽口中帶點煙韌，日式醬汁又入味又唔會死鹹，一客蛋包麵兩人分啱啱好蒜香牛油炒野菌 $38⭐️⭐️⭐️⭐️好香牛油味，什菌份量唔少，順便放埋落熱板保溫，不過小心油乾