Video
Read full review
2010-09-16
22 views
早一陣子封筆食家"今餐食乜好"同師傅講開食拉麵, 仲話師傅個環頭有間唔錯, 叫師傅得閒去試下啦, 咁小要求師傅當然答應佢! 終於在上星期五放飯時, 師傅喺諗唔到食咩嘅情況下就決定黎呢間食店會一會佢! 師傅都抱住幾大希望黎呢間食店, 入到去人唔算多, 可能已經過左放飯時最忙嘅階段! 坐底後第一時間睇下有咩好野食先, 望下望下師傅覺得唔係好對路, 皆因求其一碗拉麵都賣成六十蚊, 六十蚊都唔緊要仲要係冇餸嘅, 就咁味噌拉麵都賣六十蚊, 師傅條氣真係唔係好順, 於是就問下個侍應啦, 點知個侍應又唔識講唐話, 咁師傅唯有用有限嘅番話同佢溝通下, 最後師傅問到係拉麵裡係有兩片叉燒咁大把咋! 下! 唔係馬, 冇錯, 真係馬, 唯有又再問下個餃子餐係點, 侍應話可以喺味噌拉麵同埋濃湯味噌拉麵二揀一, 聽完佢講師傅個心離一離, 理應面都青晒, 咁樣食法唔單止攞膽, 直頭係攞命!師傅為左醫飽個肚, 喺無可奈何下向餃子拉麵餐屈服左, 咁拉麵喺二選一下, 師傅當然係揀濃湯味噌拉麵, 慌死蝕底嘛! 落完單等左唔係好耐就有得食, 餃子拉麵餐成個擺上枱時, 真的很吸引, 但師傅絕對冇唔捨得食! 於是第一時間當然係先
師傅都抱住幾大希望黎呢間食店, 入到去人唔算多, 可能已經過左放飯時最忙嘅階段! 坐底後第一時間睇下有咩好野食先, 望下望下師傅覺得唔係好對路, 皆因求其一碗拉麵都賣成六十蚊, 六十蚊都唔緊要仲要係冇餸嘅, 就咁味噌拉麵都賣六十蚊, 師傅條氣真係唔係好順, 於是就問下個侍應啦, 點知個侍應又唔識講唐話, 咁師傅唯有用有限嘅番話同佢溝通下, 最後師傅問到係拉麵裡係有兩片叉燒咁大把咋! 下! 唔係馬, 冇錯, 真係馬, 唯有又再問下個餃子餐係點, 侍應話可以喺味噌拉麵同埋濃湯味噌拉麵二揀一, 聽完佢講師傅個心離一離, 理應面都青晒, 咁樣食法唔單止攞膽, 直頭係攞命!
師傅為左醫飽個肚, 喺無可奈何下向餃子拉麵餐屈服左, 咁拉麵喺二選一下, 師傅當然係揀濃湯味噌拉麵, 慌死蝕底嘛! 落完單等左唔係好耐就有得食, 餃子拉麵餐成個擺上枱時, 真的很吸引, 但師傅絕對冇唔捨得食! 於是第一時間當然係先試湯底, 濃湯味噌湯底真係好濃, 第一啖第二啖都幾吸引, 再飲多幾啖後開始覺得咸, 可能濃嘅關係罷, 不過整體程度亦甚為吸引; 再試下拉麵, 拉麵煮得煙韌爽口, 唔會過腍, 麵身真的一流!
再講叉燒得一塊(可能係跟餐), 一千零一塊真係令師傅對佢珍而重之, 但點都要消滅佢, 於是大啖放入口中, 發覺叉燒幾乾幾韌, 談不上出色, 更惶論吸引, 所以得一塊亦令師傅覺得合情合理! 而配料有芽菜, 粟米, 筍同埋海帶, 芽菜爽口而唔腥, 配上拉麵一齊食口感一流; 粟米夠腍夠甜, 而筍亦夠腍, 但味道唔濃, 有別於一般拉麵店嘅筍; 至於海帶亦不過不失; 最後當然要講下餃子啦, 餃子一客有五隻, 當師傅吞下一隻後發覺餃子水準相當之高, 皆因餃子真係煎的, 而唔係炸完扮煎, 所以餃子皮香脆鬆軟, 而餃子皮亦好薄, 絕不硬身, 加上餡料鬆香, 師傅覺得係必食之選!
總括黎講食物質素不俗, 環境光猛舒服, 服務亦夠殷勤友善, 但價錢就略貴, 最平都要六十蚊一碗拉麵, 仲要加一, 冇七兜野喺身都落唔到樓, 而師傅呢個餐就要九十蚊, 加埋一就九十九, 擺底條紅衫魚就走得, 一舊水一個午餐就談不上抵食, 不過仍算好食! 當師傅喺呢個環頭試完山頭火同呢間之後, 已經好肯定唔會再試拉麵, 皆因師傅覺得冇咩邊間有八王子咁好味時又咁抵食! 呢一餐昂貴午餐當然要比一比笑臉, 咁先至令師傅覺得過癮d, 但再黎機會不大, 除非師傅痴左線啦!
Post
