Video
Read full review
2018-12-15
326 views
臨近年尾到處都好旺場，今次順利食到極尚大喜屋全因預早book好座位。想食得自在建議17:30時段入場，食足165分鐘攬住個肚20:15離場。如果你係大胃王亦可以選擇19:15離場，價錢仲可以平幾十元。極尚大喜屋此分店沒有自助區取飲品甜品，所有柯打也有專人服侍。放題最吸引既刺身除左要款式多，質素亦好重要。比較少餐廳供應既池魚爽口肉質緊緻，呈現油潤的光澤，喜歡食白魚既唔好錯過。油甘魚及三文魚非常肥美，帶子甜蝦比一般放題更甜。特別推薦凍長腳蟹，酒店蟹腳都無呢隻咁重海鮮味。食左2輪好彩既話會遇到有蟹鉗食。枱上一早已準備好剪蟹用剪刀可以大吃特吃。壽司種類比樂天大喜屋更有新鮮感，很適合肚子小但又想嚐鮮的女士。其實有一款唔知係極壽司定瀛壽司，吞拿魚蓉配炸煙肉同海膽醬，味道澎湃。雖然極尚大喜屋沒有殿大喜屋的海膽手卷，但都有供應海膽壽司，海水味豐富。火炙壽司不乏高級的材料如蟹膏、鵝肝、龍蝦膏，記得留肚食壽司。足一把間尺長的原條穴子壽司份量也不可看少啊～燒鰻魚無冰鮮鰻魚醃味重，反而食到魚肉本身的香味，厚身的魚肉加焦香的魚皮非常吸引。枝豆大部分已經出現隙縫輕易可進食，menu亦有hite啤酒清酒可以配埋。必
想食得自在建議17:30時段入場，食足165分鐘攬住個肚20:15離場。如果你係大胃王亦可以選擇19:15離場，價錢仲可以平幾十元。
極尚大喜屋此分店沒有自助區取飲品甜品，所有柯打也有專人服侍。
放題最吸引既刺身除左要款式多，質素亦好重要。
比較少餐廳供應既池魚爽口肉質緊緻，呈現油潤的光澤，喜歡食白魚既唔好錯過。油甘魚及三文魚非常肥美，帶子甜蝦比一般放題更甜。
特別推薦凍長腳蟹，酒店蟹腳都無呢隻咁重海鮮味。食左2輪好彩既話會遇到有蟹鉗食。枱上一早已準備好剪蟹用剪刀可以大吃特吃。
壽司種類比樂天大喜屋更有新鮮感，很適合肚子小但又想嚐鮮的女士。其實有一款唔知係極壽司定瀛壽司，吞拿魚蓉配炸煙肉同海膽醬，味道澎湃。
雖然極尚大喜屋沒有殿大喜屋的海膽手卷，但都有供應海膽壽司，海水味豐富。
火炙壽司不乏高級的材料如蟹膏、鵝肝、龍蝦膏，記得留肚食壽司。
足一把間尺長的原條穴子壽司份量也不可看少啊～
燒鰻魚無冰鮮鰻魚醃味重，反而食到魚肉本身的香味，厚身的魚肉加焦香的魚皮非常吸引。
枝豆大部分已經出現隙縫輕易可進食，menu亦有hite啤酒清酒可以配埋。
必點♡ 咖喱炒蟹
唔好以前放題既小炒唔得，功夫十足味道都好似架。咖喱汁更加打左蛋花，好想撈汁食碗飯呀！
蟹已經處理過，蟹殼打碎更方便拆肉。睇相就知蟹鉗有幾大隻啦
食評人人都介紹北海道3.6牛奶布甸，因為食過其他放題本來對佢無咩期望，點知一食就鯨吞左3杯!
用最少既魚膠粉凝固奶凍，口感根本是panna cotta。因為用日本牛奶所以好夠味，又唔會太甜，不妨叫杯比同枱既小朋友開心一下。
呢間羊排比普通大喜屋juicy，肉鬆軟帶少少肥。上枱熱既時候要盡快食啦。
Melona蜜瓜雪條，jesley milk ice bar 牛奶同朱古力味都係任食。至於haagen daz及movenpick雪糕就係一人一杯。
Haagen Daz每日仲有季節限定口味，我當天係tiramisu忠於原味揀Movenpick的雲尼拿味。Creamy的雪糕奶成份多比較快溶，睇睇label原來瑞士造難怪咁濃味啦。
終於食均幾種級數的大喜屋 :
殿大喜屋- 最推薦海膽迷去，價錢亦係最貴
樂天大喜屋- 壽司款式最多，設有自助區
極尚大喜屋- 價錢中游，唔食海膽食呢間至抵
大喜屋- 入門之選，食材都唔差
Post
