香港郵意明信片航海主題咖啡廳 (Moved) New Location

餐廳的位置較隱蔽，不過去到附近就會見到紅色郵筒。除左有好多明信片外，仲有兩隻貓係餐廳。一個tea set 有三層食物，最底層係咸味為主的食物，中間係各種不同的蛋糕，最高層係四種口味的馬卡龍。底層的牛角包好鬆軟，有牛油的香味，但又唔會油膩，三文魚沙律都好新鮮，三文魚好大片。 中層其有六種蛋糕，有士多啤梨蛋糕、藍莓芝士蛋糕、柚子芝士蛋糕、松露朱害力多糕，而法式蒙布朗就有栗子同抹茶兩種味。法式蒙布朗好好食，上層的抹茶有陣陣抹茶味，而且甜度剛好，硬中小脆，配埋中間柔軟的忌廉同底層的海綿蛋糕，口感好正。最高層既馬卡龍質素都唔錯，比起坊間的高質，口感軟中有少少韌性，唔會一咬就碎開，而且芒果同朱古力等味道濃郁，玫瑰馬卡龍最每人難忘，充滿玫瑰花的香蜜味。茉莉玫瑰花茶食蛋糕飲番杯茶就最好，茶葉的清香可以去一去膩，依個玫瑰茉莉花茶好香，陣陣花香同蛋糕好夾。