鱈卵屋 (Closed)

呢間鱈卵屋係間明太子專門店，燈光就暗暗哋咁。水吧旁邊放滿明太子嘅商品，可以俾食客買返去慢慢食。呢次試咗幾樣嘢，先嚟嘅係野菜雞粒明太沙律，雞粒經香烤過，配埋青瓜、牛油果、車厘茄、生菜、烚蛋，仲有明太子醬調味，總算清新。牛油果三文魚盤係用厚切三文魚刺身同牛油果相間，上面仲淋咗明太子醬同蔥花，口感幾夾。呢次揀嘅菜式原本都係有明太子嘅，可惜嗰晚冇明太子汁嘅版本，於是改咗呢個香燒油甘魚鮫，油甘魚鮫比想像中大件，魚皮燒得香脆，魚肉嫩滑兼有豐富嘅魚油，令人食得滿足。