BYOB Coffee Roaster

Open Now

Now Closed

先講服務：同朋友一行四人想試呢間cafe,門口等左陣後女侍應比左張四人枱比我地坐，但發現枱中間有塊板隔住，變左兩張二人枱咁，由於而家限聚令已由兩人轉四人，我哋好有禮貌問該女侍應可唔可以拎走塊板（塊板只系夾住，唔系鑲實系枱面）。點知女侍應好hea答左句：唔可以，老細唔比。我哋聽完o左嘴，其實入得cafe當然想飲野傾計，而家變左同朋友隔住個板搭枱咁。之後算啦，食物送到，想攞四隻碟share食物，見自助區冇，問返同一個女侍應，佢好hea咁答：收銀隔離。但我哋望極都冇，又問多次，女侍應又答返同一句，系我地呆企之際，終於有另一位櫃台男職員攞比我地,其實攞幾隻碟je,可唔可以helpful d. 食物方面：水牛雞翼 - 雞翼煎得香脆，醬汁甜甜酸酸，幾開胃。帆立貝明太子意粉 - 醬汁香濃，意粉亦煮得啱啱好，呢個最好味。蟹肉牛油果他他沙津 - 賣相精美，材料食落亦新鮮，唔錯ge開胃菜。豬手 - 本人好少食豬手，所以冇特別評價。飲品 - 朋友叫了果茶，份量好大，杯碟同茶壼好靚另外叫了焦糖latte,綠茶latte,味道ok,不過鍾意甜ge我哋覺得可以再甜d。