麴町 (Closed)

作為芫茜控嘅我知道麴町有期間限定嘅芫茜章魚燒，當然要去試下。叫咗雙拼六粒，另一款就揀咗明太子味，自攜容器減一蚊。由於客人眾多，足足等咗成十幾二十分鐘先至有得食，足見小店嘅受歡迎程度。一拎上手，見到小丸子上面鋪滿醬汁，鰹魚碎同芫茜，已經滿心歡喜😍，因為章魚燒內涵固然重要，但外在嘅醬汁同配料都係缺一不可。呢度嘅章魚燒軟硬適中，粉漿唔會太厚，入面嘅章魚粒亦算彈牙有鮮味，質素頗高。味道方面，明太子醬非常濃味，好正👍，啱哂重口味嘅我，相對之下，芫茜醬就冇咁突出，不過食嚟都有陣陣茜香，十分唔錯。