臺灣鴨舌專門店 (Closed)

去開旺角廣華街食嘢，我幾乎每一次都會去買台灣麻辣鴨舌，睇住佢由＄50賣到＄80，我都一路支持，因為佢哋整得真係幾好食，但係經過今日之後，我以後都唔會再幫襯呢間野，因為佢哋嘅誠信好有問題！一行都去，我仲係個門口諗緊買唔買嘅時候，因為聽日要上飛機，屋企又得我一個人食， 1516之際佢已經夾定左邊鴨舌逼你買咁樣，算啦其實我都習慣咗佢不嬲都係咁，講明要本分就迫你買全份呀，買一份就迫你買其他呀，做生意嘅嘢，佢哋算係幾Pushy。咁佢都搭左啦，我就唯有照買啦，講到明要麻辣鴨舌， 點知我返到屋企，發現啲鴨舌完全唔辣囉，跟住我就醒起頭先去買嗰陣時已經九點幾，成個櫥櫃得返一兜鴨舌，分明就係唔辣嗰啲冇咩人買所以有剩，為咗去課，明明我要麻辣佢都冇話俾我聽冇晒，就咁比咗啲唔辣嘅我掛羊頭賣狗肉。真係太過分！淨係咁樣誠信呀你都唔應該做生意啦！＄50得個九條，不嬲都知佢貴，近年仲加價加得好利害，勁過港鐵，但係我本身都仲支持緊，估唔到佢咁樣呃我！