Video
Read full review
2020-12-29
304 views
悶悶地去附近行吓，今日就蕩咗過嚟九展，仲去咗好耐冇幫襯過嘅華星冰室。餐牌同以前大致相同，冇乜點大改變。係多咗啲招牌菜，仲有兒童餐。而我嚟到正值係下午茶時間，梗係要叫個下午茶餐啦，平啲嘛，落單先知原來而家仲有九折，真係抵上加抵。老公不嬲都係大胃王，叫個下午茶餐之後仲要加個通粉。公司三文治都好足料，基本上你諗得出嘅三文治材料都有喺入面，最大堆頭嘅當然係炒滑蛋啦，然後再有鹹牛肉、火腿、芝士、蕃茄片、生菜，色香味俱全。火腿通粉我就覺得一般，我嫌佢嘅湯底味道偏鹹，通粉亦都唔夠彈牙。凍檸樂係原罐可樂上，絕不取巧。我自己就叫炸髀加薯餅配熱飲$36，仲有九折，我覺得呢個價錢OK。炸髀唔算好大，亦唔係生炸，但都係新鮮炸起，同埋佢嘅味道有啲似酒樓炸乳鴿嘅味道，都好食嘅，薯餅都係新鮮炸起所以夠脆，呢個餐唔錯！炸薯條單點$22，一般茶餐廳價錢，份量唔算多，合格啦！今時今日食肆真係好難做生意，假期嚟到場面都偏靜，所以我都覺得要支持吓，一於給一個好評！
餐牌同以前大致相同，冇乜點大改變。
係多咗啲招牌菜，仲有兒童餐。
而我嚟到正值係下午茶時間，梗係要叫個下午茶餐啦，平啲嘛，落單先知原來而家仲有九折，真係抵上加抵。
老公不嬲都係大胃王，叫個下午茶餐之後仲要加個通粉。
公司三文治都好足料，基本上你諗得出嘅三文治材料都有喺入面，最大堆頭嘅當然係炒滑蛋啦，然後再有鹹牛肉、火腿、芝士、蕃茄片、生菜，色香味俱全。
公司三文治
26 views
0 likes
0 comments
凍檸樂係原罐可樂上，絕不取巧。
我自己就叫炸髀加薯餅配熱飲$36，仲有九折，我覺得呢個價錢OK。
炸雞髀配薯餅餐
$36
22 views
0 likes
0 comments
炸薯條單點$22，一般茶餐廳價錢，份量唔算多，合格啦！
今時今日食肆真係好難做生意，假期嚟到場面都偏靜，所以我都覺得要支持吓，一於給一個好評！
Post
