Video
Read full review
2020-12-21
1451 views
今次介紹係一間位於大坑嘅露天鐵皮茶檔，雖然露天但係人流不絕，而且仲係好多明星鍾意黎既茶檔，連EASON都話無食過等如無黎過大坑。茶檔野食種類唔多，淨係賣麵、三文治/多士同野食，但淨係專心做好一兩樣野食已經客似雲來。-排隊🧍🧍♀️🧍♂️當日係星期六，大概一點鐘，排隊前面大概有10個人，不過人流去得快，大概等咗10分鐘就可以坐低。-環境🪑鐵皮屋大牌檔，姐係要坐係街邊度食，所以夏天黎食可能係一個考驗，每張枱有3/4個位，目測大概開左6張枱，基本上唔係3/4個人去食都需要搭枱。-1️⃣ 豬扒麵💰25（👅: 7.5/10）豬扒用黑椒醬汁醃制，入味但唔會好重味，會食到黑椒同蜜糖既甜味，相當惹味，不失肉香，肉質鬆軟，保持到彈性。豬扒切成小件，方便進食，份量非常多，呢個價錢來講非常抵食。麵就係普通公仔麵，湯係用豬骨湯熬制，因為無人工鮮味調料，淨係靠食材，所以味首有啲淡。所以枱面有自家製辣椒魚露、日本麻油，可以自己按喜好添加。-2️⃣ 奶醬多💰11（👅: 8/10）質素絕對完勝大部份嘅茶餐廳。烘得金黃色，非常脆，咬落去會聽到聲，溫度非常夠。醬非常之飽滿，絕對唔會馬虎，牛油基本上已經溶哂落多士入面，唔會食到特別一
今次介紹係一間位於大坑嘅露天鐵皮茶檔，雖然露天但係人流不絕，而且仲係好多明星鍾意黎既茶檔，連EASON都話無食過等如無黎過大坑。
茶檔野食種類唔多，淨係賣麵、三文治/多士同野食，但淨係專心做好一兩樣野食已經客似雲來。
-
排隊🧍🧍♀️🧍♂️
當日係星期六，大概一點鐘，排隊前面大概有10個人，不過人流去得快，大概等咗10分鐘就可以坐低。
-
環境🪑
鐵皮屋大牌檔，姐係要坐係街邊度食，所以夏天黎食可能係一個考驗，每張枱有3/4個位，目測大概開左6張枱，基本上唔係3/4個人去食都需要搭枱。
-
1️⃣ 豬扒麵💰25（👅: 7.5/10）
豬扒麵
$25
175 views
4 likes
0 comments
豬扒用黑椒醬汁醃制，入味但唔會好重味，會食到黑椒同蜜糖既甜味，相當惹味，不失肉香，肉質鬆軟，保持到彈性。
豬扒切成小件，方便進食，份量非常多，呢個價錢來講非常抵食。
豬扒麵
$25
55 views
2 likes
0 comments
麵就係普通公仔麵，湯係用豬骨湯熬制，因為無人工鮮味調料，淨係靠食材，所以味首有啲淡。
42 views
2 likes
0 comments
所以枱面有自家製辣椒魚露、日本麻油，可以自己按喜好添加。
-
2️⃣ 奶醬多💰11（👅: 8/10）
奶醬多
$11
72 views
2 likes
0 comments
質素絕對完勝大部份嘅茶餐廳。
烘得金黃色，非常脆，咬落去會聽到聲，溫度非常夠。
醬非常之飽滿，絕對唔會馬虎，牛油基本上已經溶哂落多士入面，唔會食到特別一個位烘得唔夠或者醬唔夠多。
-
3️⃣⃣ 熱奶茶💰16（👅: 8/10）
熱奶茶
$16
51 views
2 likes
0 comments
通常奶茶我都會叫熱奶茶，因為茶味會更出，不負所望，茶香奶滑，入口絲滑，色澤均勻，有掛杯，不過唔係用傳統瓦杯。茶味會比較重，大概64/73嘅比例。
不愧係四大奶茶王，會有少少苦澀味，回甘個下茶味好香。個人覺得好飲嘅奶茶係唔需要落糖，而嘅杯係唔需要。
-
🌟總括嚟講係比一般茶餐廳嘅質素好食同埋抵食，性價比非常高，但我覺得呢兩個原因都唔足以令大家山長水遠嚟試，反而如果你鍾意茶味重嘅奶茶，咁佢絕對係香港入邊好嘅奶茶佔一席位。注意茶檔星期一休息，平時只做早市同午市，無睇時間好易摸門釘。
-
👅味道: 8/10
🍴環境: 7/10
💰消費: 52 (服務費: NA)
Post
