高興 (Closed)

呢度食過好幾次，每次一到lunch time就好多人，唔想等太耐可以點半後先嚟，人流會開始少啲。第一次嚟呢度嗰陣嘅感覺係好懷舊，圍繞住都係關於音樂嘅嘢。門口左手邊嘅裝修好似舊時啲髮廊咁，好得意。右手邊會見到有個stage，上面會有啲音響設備同埋舊啲嘅歌手嘅CD呀、漫畫呀、裝飾擺設咁，都係老闆嘅珍藏嚟㗎。曾經遇見過吳浩康同狄易達添。我個人都幾鍾意食烏冬㗎，好多時嚟呢度都會食佢哋嘅泡菜烏冬鍋，好味得嚟啲餸菜又多，就算啲烏冬浸住喺啲咁熱嘅湯入面一段時間都唔會浸爛，依然保持到口感，食烏冬最緊要夠彈口先好食㗎嘛😋泡菜香辣帶少少酸，雞肉煎香咗再放入鍋口感特別香口。檸水唔會有苦澀味。