Video
Read full review
2020-12-14
84 views
$58午餐有貴妃雞粥，豉油王炒麵和老火例湯，真係平到笑貴妃雞粥係招牌菜，冇理由唔點， 雖然我沒有數過，但雞件應該差不多有例牌的份量， 有雞味又滑，唔肥， 粥則比較竭身。跟餐的豉油王炒麵也很大碟， 有三小碗的份量， 夠芽菜， 下油份量恰到好處，令幼麵夠油身，而底也不會有多餘的油。即使是配角老火例湯，也要點名一讚，當日例湯是霸王花排骨湯，感覺沒有味精，有老火湯味，不會溝水淡茂茂， 連豬排骨都夠腍，柔軟嫩滑。既然啲嘢好食就要繼續點落去， 紅燒脆皮乳鴿（$65），真脆皮， 乳鴿皮又薄又香脆，真乳鴿， 細隻肉嫩，0脂肪。海鮮粥（$73） 的海鮮料多過粥，兩隻大蝦，有蟹鉗蟹腳，而且不是水蟹是肉蟹，保證有蟹肉吃，肉眼只看到蝦和蟹， 食落原來還有本身已經是白色的魚肉和帶子，仲要每款都有幾件蜆蚧鯪魚球$52有六件，當初有點猶豫，因為價錢和一個午餐差不多，但最後還是點了，絕對冇後悔。Size同長洲魚蛋差不多，又圓又大粒，鯪魚肉好香好Q彈，味道適中唔會過鹹，而且完全沒有食到魚骨，真係好滿足
貴妃雞粥係招牌菜，冇理由唔點， 雖然我沒有數過，但雞件應該差不多有例牌的份量， 有雞味又滑，唔肥， 粥則比較竭身。
跟餐的豉油王炒麵也很大碟， 有三小碗的份量， 夠芽菜， 下油份量恰到好處，令幼麵夠油身，而底也不會有多餘的油。
即使是配角老火例湯，也要點名一讚，當日例湯是霸王花排骨湯，感覺沒有味精，有老火湯味，不會溝水淡茂茂， 連豬排骨都夠腍，柔軟嫩滑。
既然啲嘢好食就要繼續點落去， 紅燒脆皮乳鴿（$65），真脆皮， 乳鴿皮又薄又香脆，真乳鴿， 細隻肉嫩，0脂肪。
海鮮粥（$73） 的海鮮料多過粥，兩隻大蝦，有蟹鉗蟹腳，而且不是水蟹是肉蟹，保證有蟹肉吃，肉眼只看到蝦和蟹， 食落原來還有本身已經是白色的魚肉和帶子，仲要每款都有幾件
蜆蚧鯪魚球$52有六件，當初有點猶豫，因為價錢和一個午餐差不多，但最後還是點了，絕對冇後悔。Size同長洲魚蛋差不多，又圓又大粒，鯪魚肉好香好Q彈，味道適中唔會過鹹，而且完全沒有食到魚骨，真係好滿足
Post
