明記咖啡糖水小食 (Closed)

今次去明記糖水又有新野試? 尋晚萬聖節，所以南瓜為主角糖水特別吸引我注意。芋頭，粟米，南瓜西米露張poster咁岩係正枱隔離，冇理由唔試下。未攪拌西米露之前同一般西米露無異，都係奶白色，然後用匙羹施魔法不斷攪拌西米露，漸漸泛起金黃色南瓜漣漪，南瓜濃香清甜，芋頭亦綿密細緻，入口即化，粟米新鮮，最適合呢段時間食。仲有我估唔到碗糖水只係20蚊咁平，朋友外賣番屋企問幾錢我先知~ 又食到平靚正甜品。朋友繼續捧涼粉，小丸子場，因為佢最鐘意呢度小丸子夠煙韌，涼粉夠爽，至於菠蘿則酸酸甜甜令成碗甜品冇咁寡。