明記甜品 (Closed)

琴日同朋友食完晚餐之後 去咗天后附近食甜品！本身打算食其他甜品舖，但係見呢度開咗一間新嘅明記 ，就打算入去試下😋😋😋因為係新開,所以好新淨同乾淨！我哋總共叫咗三個甜品第一個係我每次去明記糖水都必叫嘅芒果凍餅呢個係我平時食開嘅， 當然冇咩問題 同筲箕灣嗰間總店冇咩分別 正😍第二個係棉花糖燉蛋 個餐牌上面寫住製作時間15分鐘我哋都選擇咗試下！嚟到嘅時候，棉花糖咬落就好似燒烤嗰啲棉花糖咁樣！入面軟淋淋，出面脆卜卜，好好食但係個燉蛋竟然係凍嘅咁嗰15分鐘純粹係揾枝火槍噴一噴？味道就唔錯嘅，可惜個燉蛋係凍嘅，有少少失望😐😐順帶一問其實燉蛋應該係熱定凍㗎？🤔🤔🤔第三個係綠茶心太軟 全晚最難食就係呢個心太軟😣本身抱住好大期望！因為舖入面四周圍都貼住心太軟嘅poster，以為係招牌喇，咁就叫咗一個試下！當個心太軟黎到嘅時候，見到都仲係覺得好興奮，大家就攞曬電話出嚟拍片影相！個心太軟係真係流心嘅，但係食落成口綠茶粉，紅豆又出曬水，啲水有順住隻碟流向個心太軟同埋舊雪糕度，搞到成件事好核突！🤢個雪糕下面仲有舊忌廉,入面苦到阿媽都唔認得 我哋大家每人食咗兩啖就食唔落去總括黎講，黎到明記糖水，最好都係食番佢哋最