易牙台式料理

Open Now

Now Closed

今日同朋友去銅鑼灣搵嘢食，記得金百利廣場有好多間餐廳，全部都係樓上，於是隨機揀左第5層睇下有咩食。 見到有間台灣餐廳，入邊坐得幾舒服，而且入面人唔算太多，就入去試下。我哋分別叫咗個紅燒牛肉飯，同一碗豬手肉鬆飯。 過咗大約五分鐘，店員將豬手肉鬆飯送上，可以見得到豬手分量唔少，有四嚿大嘅豬手，啲豬手嘅皮好煙韌，而且豬手好入味。另外啲青瓜同肉鬆送飯好開胃。 隔咗一陣，店員亦都送上紅燒牛肉飯，紅燒牛肉係搵一個大碗裝住。同飯分開上，紅燒牛肉分量幾大，有兩舊蘿蔔，其他都係紅燒牛肉，牛肉質地普通，而且比較乾身 但都入味。