Video
Read full review
2012-10-04
615 views
餐廳嘅入口極之金碧輝煌, 富麗堂皇...圍村燒肉--嗯... 韌咗D啫... 同埋硬咗少少, 又鹹咗少少...農家筍炆肉--嘩!!!!!! 好好味呀!!!!!! 好重南乳味呀!!! 同埋D豬肉炆得好淋... 同細個時祖母煮嘅味道一模一樣呀!!!!!! 一D都冇誇張, 唔係剩係我一個咁講o架, 幾個「客家食神」都一致認同o架!!! 仲要用蠟燭台暖住食, 唔怕凍咗D汁痴埋一PAT, GOOD!!!茄汁大明蝦--嘩... 咁大隻嘅??? 比人夾2夾已經冇晒...紅蔥頭南薑走地雞--呢味又係一絕!!! 又係好似食翻細個時祖母煮嘅雞咁... 好好味, 好香, 好彈牙... 咁快冇晒嘅??? 我仲想食呀...蜆蚧鯪魚球--怕怕... 由細到大都唔食...砂盆陳皮扣大鴨--全餐呢碟最唔掂!!! 好韌, 又冇鴨味... 食剩半隻, 服務員問咗幾次, 都冇人肯打包拎返屋企...盆滿缽滿--嘩!!! 好足料呀!!! 勁多鴨腳同原條海參, 食極都有!!! 全餐最抵食!!! 清碟之後, 電視咁啱做緊洗新鮮海參, 見到D綠色內臟咇出o黎, 全枱V嘩鬼叫!!! Honey話如果電視早D播仲好, 益晒佢, 嘿嘿..
圍村燒肉--嗯... 韌咗D啫... 同埋硬咗少少, 又鹹咗少少...
農家筍炆肉--嘩!!!!!! 好好味呀!!!!!! 好重南乳味呀!!! 同埋D豬肉炆得好淋... 同細個時祖母煮嘅味道一模一樣呀!!!!!! 一D都冇誇張, 唔係剩係我一個咁講o架, 幾個「客家食神」都一致認同o架!!! 仲要用蠟燭台暖住食, 唔怕凍咗D汁痴埋一PAT, GOOD!!!
茄汁大明蝦--嘩... 咁大隻嘅??? 比人夾2夾已經冇晒...
紅蔥頭南薑走地雞--呢味又係一絕!!! 又係好似食翻細個時祖母煮嘅雞咁... 好好味, 好香, 好彈牙... 咁快冇晒嘅??? 我仲想食呀...
蜆蚧鯪魚球--怕怕... 由細到大都唔食...砂盆陳皮扣大鴨--全餐呢碟最唔掂!!! 好韌, 又冇鴨味... 食剩半隻, 服務員問咗幾次, 都冇人肯打包拎返屋企...
盆滿缽滿--嘩!!! 好足料呀!!! 勁多鴨腳同原條海參, 食極都有!!! 全餐最抵食!!! 清碟之後, 電視咁啱做緊洗新鮮海參, 見到D綠色內臟咇出o黎, 全枱V嘩鬼叫!!! Honey話如果電視早D播仲好, 益晒佢, 嘿嘿... 你睇... 隻鴨腳幾巨型... 唔講得笑o架...
北京西紅柿豆腐煮蟹--咦咦... 乜... 柿同蟹... 唔係唔可以一齊食嘅咩??? 問清楚部長... 原本... 西紅柿係蕃茄... 冇事... 可以放心食... 嘩!!! 唔好講隻蟹, 剩係D蕃茄炒蛋炒豆腐已經好好送飯, 真係食到唔停得口!!! 隻蟹個夾多肉到呢...
蒜子火腩薑蔥煀蠔--嘩!!! 呢味得到呢... 雖然D蠔好細粒, 同埋望落去好似好細份量咁, 但係原來係夾極都仲有o架喎, D蠔收埋晒響D薑蔥下面...
小順子南瓜燜涼瓜--D南瓜好甜呀!!! D涼瓜都好得喎!!! 南瓜同涼瓜配豆豉汁真係一絕!!! 仲要份量都幾足喎...
竹笙銀杏雜箘時蔬--我都未夾已經冇晒, 好難會唔好食囉...消暑原個冬瓜盎--我地已經食完晒D餸, 見到隔離枱飲緊, 又心郁郁叫一個... D湯好清甜呀!!! D冬瓜肉又多又甜... 同埋呢, 而家外面D特價冬瓜盎好多都係用燒鴨皮煮, 冇配料o架, 更唔好妄想會落夜香花... 呢個冬瓜盎簡直係最傳統嘅冬瓜盎, 我比100分呀!!!
壽桃--拳頭咁大嘅壽包... 其實大家都已經飽到不得了, 都仲可以隊剩4個, 利害!!! 阿B食完1個仲唔夠喉(D餡當然係被爸爸食晒), 未識講o野已經手指指話要繼續食多1個... 之後大家仲搶住要打包走, 頭先隻鴨又唔見你地話包走...
生果拼盤(送)--嘩!!! 今時今日仲有得送生果拼盤嘅咩??? 仲要咁大碟咁靚仔??? 而且西瓜係天然微甜冇加糖水, 好得呀!!!
冰鎮龍鬚什果芒果布甸--嘩!!! 已經飽到暈o架啦, 見到隔離枱食, 個個對眼發晒光, 失晒常性, 都唔理自己食唔食得落, 就話要叫5個... 個餐牌呢, 下面個金魚缸係放住金魚, D細路問部長係咪係真係有金魚, 唔知部長講笑定講真, 話之前真係有, 而家因為衛生問題, 冇再拎D生AU AU嘅金魚出o黎... 部長... 你真定假呀??? 唔好呃細路喎... 個賣相吸引到咁, 好唔好食已經唔重要... 不過... 佢係好味道o架!!!
阿B得1歲, 都收佢茶錢, 好似有點兒那個喎... 唉... 不過算啦... 最緊要服務好味道好, 大家又食得開心就得啦!!! Post
