Pan da Cafe

Open Now

Now Closed

昔日繁華之〔Pan da Cafe〕西貢既cafe每間都好令放鬆，今次既Pan da Cafe，裝修十分特別，牆上既懷舊風格，感覺有香港昔日繁華，餐廳Meun食物及飲品選擇眾多，十分適合朋友、閨蜜及家庭聚餐同慶祝，美國和牛肩胛肉眼：份量大，肉質嫩，有牛味，紋理明顯，煎至半成熟既肉眼口感軟淋多汁。紐西蘭羊扒：羊扒煎得剛好，外脆內嫩，羊肉質地鮮嫩多汁，加上自家製作醬汁，味道確實唔錯。三文魚芝士牛角酥：餡料可自選，配搭自已想食既口味，芝士好香，配上三文魚口感豐富，牛角酥好鬆軟。法式焗田螺：份量多，田螺新鮮肥美有咬口，白酒煮後帶出鮮味，薯蓉入口香滑。蜂蜜綠茶蛋糕拼抹茶雪糕加紅豆：中意食抹茶口感絕對要叫，雪糕滑順香濃，有濃濃既抹茶味道，而紅豆唔算好甜，配上雪糕同紅豆一同入口，味道一流。總結環境幾舒服，職員好nice，食物質素都好好。