星味工房 海南雞專門店 (Closed)

朋友住聯和墟同我講話呢頭有間新加坡菜好好食，咁我姑且一試啦。呢度老闆態度好親切，黎到就不斷推介招牌菜。而環境就好寬敞。黎到無得唔試雞飯啦，就連報章雜誌都有介紹呢道菜架，係用慢煮技術，令到肉質熟得黎仲係嫩滑，要用成個鐘去整的，好有誠意。而食落認真有水準，肉質唔洗多講，而肉好肥厚，鮮甜。另外，仲有調味料蘸，味道好地道。日式雞絲粉皮，粉皮、雞絲、青瓜、麻醬既份量好多，多到滿瀉咁制，d粉皮夠涼，配合麻醬食好和風，而雞絲撕得夠碎，食落唔會韌或者攝牙。而青瓜就剛好中和返麻醬既油膩感，令碟菜感覺清爽。