Video
Read full review
2018-10-28
361 views
男友知我鍾意食西餐，成日周圍搵好嘢食帶我去。今日就嚟到大角咀呢間西餐廳starry Night~好浪漫嘅名字。而店內亦掛住梵高星夜嘅名畫，完全配合餐廳名字同格調。我哋今日點嘅係威靈頓牛柳餐，男友知我未試過，特登點嚟比我試下。首先係餐湯-周打蜆湯，材料超豐富，有青椒，薯仔，好蘿蔔，蜆肉肥美，個湯夠傑身，感覺真材實料，仲有少少脆多士點湯食，好好味！前菜有磯燒鮑魚同輕煎鵝肝。 磯燒鮑魚新鮮彈牙，底下嘅田園沙律又相當清新。鵝肝真係無得彈，係我有史以嚟食過最好味嘅鵝肝，鵝肝煎得非常之香，離遠已經聞到鵝肝香味。底下仲有紅酒蘋果粒，酸酸甜甜，即時消除鵝肝油膩感。另外，碟旁仲有迷你多士，可以將鵝肝放喺脆脆多士上，一口鵝肝，一口多士，正！白酒蟹肉燴飯有好香白酒味，材料超豐富，有蟹肉🦀，北海道蟹膏，黑蟹籽，面頭有軟脆香口嘅軟殼蟹，配合埋蒜同帕馬芝士🧀，味道又香又濃，飯夠creamy，而且有咬口。威靈頓牛柳🐂，今次係我第一次試呢道菜，呢個係一道英國菜，外表用酥皮包住，酥皮牛油味又香又濃，牛柳7成熟，肉嫩多汁，表面搽咗鵝肝醬，用咗迷迭香、百里香去調味，碟上有薯蓉同南瓜蓉，又香又軟，碟中間位置仲有沙律菜🥗，新鮮
男友知我鍾意食西餐，成日周圍搵好嘢食帶我去。今日就嚟到大角咀呢間西餐廳starry Night~好浪漫嘅名字。而店內亦掛住梵高星夜嘅名畫，完全配合餐廳名字同格調。
我哋今日點嘅係威靈頓牛柳餐，男友知我未試過，特登點嚟比我試下。
周打蜆湯
4 views
0 likes
0 comments
首先係餐湯-周打蜆湯，材料超豐富，有青椒，薯仔，好蘿蔔，蜆肉肥美，個湯夠傑身，感覺真材實料，仲有少少脆多士點湯食，好好味！
磯燒鮑魚
17 views
0 likes
0 comments
輕煎鵝肝
18 views
0 likes
0 comments
前菜有磯燒鮑魚同輕煎鵝肝。 磯燒鮑魚新鮮彈牙，底下嘅田園沙律又相當清新。鵝肝真係無得彈，係我有史以嚟食過最好味嘅鵝肝，鵝肝煎得非常之香，離遠已經聞到鵝肝香味。底下仲有紅酒蘋果粒，酸酸甜甜，即時消除鵝肝油膩感。另外，碟旁仲有迷你多士，可以將鵝肝放喺脆脆多士上，一口鵝肝，一口多士，正！
白酒蟹肉燴飯
7 views
0 likes
0 comments
白酒蟹肉燴飯有好香白酒味，材料超豐富，有蟹肉🦀，北海道蟹膏，黑蟹籽，面頭有軟脆香口嘅軟殼蟹，配合埋蒜同帕馬芝士🧀，味道又香又濃，飯夠creamy，而且有咬口。
威靈頓牛柳
31 views
0 likes
0 comments
威靈頓牛柳🐂，今次係我第一次試呢道菜，呢個係一道英國菜，外表用酥皮包住，酥皮牛油味又香又濃，牛柳7成熟，肉嫩多汁，表面搽咗鵝肝醬，用咗迷迭香、百里香去調味，碟上有薯蓉同南瓜蓉，又香又軟，碟中間位置仲有沙律菜🥗，新鮮又爽口。
Virgin Pina Colada
13 views
0 likes
0 comments
No sex on the beach
9 views
0 likes
0 comments
果汁亦不得不提，由於我哋唔好酒精飲品，所以揀咗兩杯Mocktails🍹，店員介紹最hot嘅mocktail係Virgin Pina Colada🍸，果然無介紹錯，菠蘿味濃🍍，仲帶有少少椰香味。而另一杯係No sex on the beach，果汁味濃，有齊橙汁🍊、紅莓、桃香味🍑，仲帶有少少薄荷清新嘅味道，鍾意飲果汁嘅朋友一定啱飲呢兩杯飲品。🥂
Post
