語命Cafe (Closed)

依間cafe以星座同搭羅為主題，聽個名''語命''都估到佢有d神秘同特別！😂😂Cafe以藍白色為主調，白色牆壁、藍色梳化同木枱，俾人休閒舒適既感覺。😌 我坐果個位有埋叉電插頭，岩哂大頭蝦成日電話無電既我！🤣我好中意黑松露嘅，所以一睇餐牌就叫左個黑松露野菌意大利飯！一上枱，熱辣辣的😎 佢啖啖黑松露味，而且好多汁，好creamy, 但個飯可以再林d~佢有好多款特飲，梳打、沙冰、紅茶之類，由於我想飲下咖啡醒神，所以就叫左凍朱古力咖啡。幾大杯，味道唔錯，飲到一半，我留意到個杯墊有天蠍座既圖案，唔通真係咁神奇，佢知我都係依個星座？！哈哈🙈🙈留意到隔離枱有職員同客人研究塔羅牌，令我諗起我朋友都好鍾意塔羅，下次可以帶佢黎玩下！