星怡 (Closed)

餐廳：星怡地點：尖沙咀iSQUARE菜式：新加坡菜餐牌：小食，沙律，多士，海鮮，肉類，菜類，素菜，肉骨茶，喇沙，湯麵，湯類，飯，麵，油酥餅，甜品，飲品參巴燒大雞扒 $88 另加一參巴燒大雞扒好大塊，雞扒連皮燒，燒得皮脆肉嫰。個參巴醬好惹味，呢度個味同出面唔同，係甜甜地又微微辣，好易入口，呢個醬配雞扒好夾。伴有加左白色沙律醬既雜菜沙律配車厘茄可解膩。馬來參巴烤魔鬼魚 $128 另加一馬來參巴烤魔鬼魚一大件連骨， 不過食落好易起骨，肉質嫩滑多汁，其實真係可以連骨食埋，因為大部份係軟骨。配有大量參巴醬，好夠味。同參巴燒大雞扒一樣伴有雜菜沙律配車厘茄。我係第一次食魔鬼魚，原來係幾好食架wor。伴有桔仔一粒比你自己調味。馬拉盞炒通菜 $78 另加一馬拉盞炒通菜熱辣辣上枱，通菜莖脆口，而通菜葉嫩口，炒得好夠味，加有蒜蓉同指天椒，味道少少辣，好惹味。新加坡魚蛋喇沙 $68 另加一新加坡魚蛋喇沙湯色水呈橙色，灑上香草，飲啖湯先，好香椰漿味而辣度剛好。配料有白魚蛋四大粒，好彈牙又健康。都有魚餅4片，口感都唔錯。仲有淋滑蛋半隻。油麵夠淋，都好滑溜，份量唔少，加埋爽口芽菜有多重口感。另外仲有3件豆卜。呢個價