阿芳上海餛飩

Open Now

Now Closed

星期三的尋常晚上，收工時間去阿芳食餛飩，全場坐滿，但不用等位。其實都食過好多次，質素一直維持得好好。餐牌主要分兩大種套餐，就係正常份量同細食份量，然後再分為配湯年糕或上湯麵。夜晚細食，所以一直都只係叫輕食餐，四隻餛飩配湯年糕，跟餐可以揀一碟小菜同一杯豆漿，有熱有凍。是日兩人叫咗兩個輕食餐，玉豆豬肉餛飩配湯年糕、韮菜豬肉餛飩配上海麵，跟糖醋排骨、醉轉灣（即醉雞中翼）同凍豆漿。餛飩湯底有俾心機做，入口鮮甜，唔覺有加好多味精。連平常無辣不歡的某人都唔捨得落辣椒油，話覺得落辣就破壞咗個湯底了。對細食人嚟講，輕食餐份量的確剛好。94蚊食得兩人飽飽行出門口。