Video
Read full review
2010-07-08
39 views
東涌食肆本身選擇唔多，再加上好味既話，5隻手指可以數曬！！聽落好似有d悲哀，但至少仲有食肆努力緊，食客都要為佢地打打氣，期望將來有更好既轉變。身為東涌"友"，自然對呢邊既食肆質素熟悉。好肯定係金滬庭下午茶常客，下午茶就當中午飯食，一來扺食、二來可以食多d款式，分享下我通常會叫咩野食啦！ 夫妻肺片：原本唔知係咩東東，簡單講其實係帶麻辣味既牛脷同牛肚，之前無試過上海菜有內臟，對我黎講好有新意。鐘意牛脷爽口、牛肚"淋" 度適中，麻辣汁更係最愛，用黎點銀絲卷一流！ 雜菌湯飯：呢個係第一次試，都唔錯！d菇新鮮好味，湯底味道較自然，但唔乏味，清清地同夏天好夾。 蒸銀絲卷：早期認為金滬庭既蒸銀絲卷係一絶，點解？原因係佢極之鬆軟，會見到裡面由一條條獨立既麵粉條條組成，一咬您會感覺到鬆軟中一層層既質感，好正。但近期一個多月，質素明顯下降，再睇唔到同食唔到一層層既質感，雖然不至於死實實，但跟以前比較，確實相差好遠、好遠！唔知係麵粉既問題，定師傅技術問題，總之希望佢地可以改進啦！ 鮮肉鍋貼：皮夠煙靭、肉較鮮、汁夠多，煎得夠香，正！ 嫩雞煨麵：上海野通常比人感覺較為油，叫碗嫩雞煨麵可以中和一下。有青菜粒、雞粒
身為東涌"友"，自然對呢邊既食肆質素熟悉。好肯定係金滬庭下午茶常客，下午茶就當中午飯食，一來扺食、二來可以食多d款式，分享下我通常會叫咩野食啦！
夫妻肺片：原本唔知係咩東東，簡單講其實係帶麻辣味既牛脷同牛肚，之前無試過上海菜有內臟，對我黎講好有新意。鐘意牛脷爽口、牛肚"淋" 度適中，麻辣汁更係最愛，用黎點銀絲卷一流！
雜菌湯飯：呢個係第一次試，都唔錯！d菇新鮮好味，湯底味道較自然，但唔乏味，清清地同夏天好夾。
蒸銀絲卷：早期認為金滬庭既蒸銀絲卷係一絶，點解？原因係佢極之鬆軟，會見到裡面由一條條獨立既麵粉條條組成，一咬您會感覺到鬆軟中一層層既質感，好正。但近期一個多月，質素明顯下降，再睇唔到同食唔到一層層既質感，雖然不至於死實實，但跟以前比較，確實相差好遠、好遠！唔知係麵粉既問題，定師傅技術問題，總之希望佢地可以改進啦！
鮮肉鍋貼：皮夠煙靭、肉較鮮、汁夠多，煎得夠香，正！
嫩雞煨麵：上海野通常比人感覺較為油，叫碗嫩雞煨麵可以中和一下。有青菜粒、雞粒、雞湯底，味道簡單，一d都唔油。
另外，平時都會鐘意叫酸辣粉條、小籠包、芝麻湯圓，視乎食物組合而定。
下午茶時間由下午2點至5點，通常3點半至4點左右會 last order，所以唔好太遲去會好d。星期日客人亦會好多，輪候時間會相對長。
Post
