牧羊少年咖啡館 (白楊街)

Open Now

Now Closed

之前去過葵芳的牧羊分店,今次黎太子呢間試下佢嘅全日早餐一如以往星期六嘅牧羊少年都係所以要排隊等位,即使係下午茶時間都唔例外。平日星期一至五嘅牧羊就會有set,而星期六日就需要加錢配飲品。叫咗一杯榛子熱朱古力,配上豐富嘅all day breakfast熱朱古力上面有好多cream今次實肥死啦朱古力唔會係淡嗰種,就算飲多最後仍然有香濃嘅朱古力味,最怕就係個d cafe價錢,茶餐廳質素朱古力第一次試佢嘅全日早餐,份量好充足,未食早餐嘅我真係覺得好飽,最讚既係佢個薯蓉,好香好滑身! 牛角包都係鬆軟既,煙肉就太肥啦,食左半塊,太油!至於朋友叫咗個薄荷茶,佢就話幾清新幾好飲, 店員仲主動走嚟問佢需唔需要加水 至於個panini包就比較乾同硬身,朋友就無乜點食。如果平時下午茶或者星期六日想搵個好地方傾下計, 呢度絕對係幾好嘅選擇 喺太子地鐵站行六分鐘就到方便!