好彩海鮮酒家

Open Now

Now Closed

星期六放假晏起身, 又想平平地飲早茶, 太子呢間酒樓係好選擇, 星期六日早茶做到中午12點, 正喇🤩娥姐粉果$14驟眼睇勁似上素粉果, 食落都好似, 只不過多了蝦米, 味道適中, 餃皮晶瑩少少彈牙但偏淋點心拼盤 - 共六粒$28 (娥姐粉果, 芋粒松子餃, 乾蒸牛肉, 蝦餃, 燒賣, 叉燒包)1)娥姐粉果如上2)乾蒸牛肉唔會太淋, 質地算好食3)芋笠松子餃餃皮同粉果皮一樣質地, 裏面有芋粒芫茜…都幾好味4)蝦餃 偏細粒, 餃皮彈牙, 餡料唔算太juicy, 但鮮蝦都算爽彈5)燒賣味道適中, 豬肉餡算爽口, 裏面亦有冬菇, 不過就冇蝦6)叉燒包包皮軟硬適中, 餡料唔算太甜, 叉燒餡料亦唔會有雪味鳳尾蝦蜂巢芋角$14芋頭蓉薄薄地但幾鬆軟, 裏面有鹹水角嘅餡料, 最緊要就係夾咗原隻鮮蝦在中間, 味道適中, 炸得唔算太油膩鹹魚肉片煲仔飯$26驟眼一望冇咩餸食, 食第一啖飯之後就食到飯有鹹魚香味, 鹹魚亦都好正, 不是死喊, 肉片就麻麻地冇肉味, 飯粒爽口濃湯狗仔粉$16驟眼看勁似酸辣湯底, 但食落其實係似蠔油湯底或豉油湯汁芡, 不過我就唔係幾鍾意呢啲湯底, 湯底有草菇冬菇… 狗仔粉質地煙煙靭靭