小伊甸 (Closed)

今日星期六出門早咗，八點鐘左右就去到觀塘地鐵站。 跟住沿著平日出嘅地鐵站D3出口， 一行出去就見到對面工廈二樓有間小伊甸餐廳。之前星期六早到的時候我都有去過呢間食早餐，覺得入面嘅環境舒服同不太多人。 我當初以為入面係band房， 因為入面有唔少樂器結他喇叭音響等等。今次入去都係坐同一個位，就喺收銀櫃檯前面。 急不及待就叫了一個西式嘅早餐， 有雞扒同埋火腿奄列，還有一塊厚厚多士。 加四元要了杯咖啡。 雞扒炸得好脆同埋幾好食。 火腿奄列都夠味道及炒蛋都好滑， 厚多士就不過不失。 即磨咖啡色相就幾好，飲落都ok。問咗侍應，原來平時呢度係做餐廳，禮拜日係會有崇拜，所以呢度會有好多嘅音響設備同樂器。我覺得呢度環境唔錯食物都唔差， 看menu其實呢度係一間台式飲品料理， 如果下次中午得閒，可能去呢度食午餐。