PdP Pies & Tarts (Closed)

一星期又過去，最開心就係行下街，食下飲下enjoy下，在灣仔辦完事情後，找個地方歇一歇，就去左呢間位於利東街既新開pie & tart店，店舖裝潢十分漂亮，好突出，給人感覺很高雅的，顔色以tiffany blue同日系既木色為主，櫉櫃放了各式各樣的pie&tart, 十分吸引，等了一會兒，已經可以入坐，經過多級狹窄的樓梯，轉到樓上位置坐下，店內光線柔和，空間感十足，令人感到舒服又放鬆，四週環境不太嘈吵，確實不錯，座位空間亦唔太密，在等待入坐時，早已鎖定目標，就係士多啤梨tart同matcha latte, 作為下午茶不過份吧士多啤梨tart好精美，士多啤梨香甜不酸，好像有custard and 奶油， 兩者的質地都好幼滑，好重牛奶味，加上個tart㡳好脆，牛油味十足，中間都夾著一些士多啤梨果肉而杯熱既matcha latte好有heart呀！份量比想像中大杯，仲有好靚既拉花，係豬仔黎架視覺上已經滿分，飲落仲好正，又濃又回甘，奶味同抹茶比例洽到好處最緊要係唔甜，配以strawberry tart, 確係唔錯