Beerliner German Bar & Restaurant (朗豪坊) (Closed)

星期六的假日午餐，三個人叫左兩個餐share，決定係正確架，因為好大份！跟餐沙律係mixed greens加上帶少少mustard味嘅沙律醬，係未食過嘅味道，又幾清新。sausage platters有三種腸，分別係長形白色腸、長形紅色腸同粒粒紅色腸。最好食係白色，相比起其餘兩種較淡味，對我黎講最適中，亦都唔辣。長形紅色腸同粒粒紅色腸都係濃味之選，長形都幾辣下，不過食下腸又食下酸椰菜同焗薯清清味蕾，最後都清碟。豬柳絲野菌意式燴飯呢個risotto野菌汁香濃，豬柳絲慷慨，芝士份量剛剛好，食完好滿足。跟餐甜品望落似芝士蛋糕，其實係一種用蛋整成嘅布甸，蛋味足質感軟軟滑，加朱古力醬一齊食幾夾，唔會太滯。我地坐左喺餐廳露天位置，星期六午餐時間唔算多人，好寫意。