Video
Read full review
2018-06-25
192 views
星期六晚，難得假期時間鬆動，一於出街搵啲好嘢。食聽朋友介紹，喺太子有間餐廳，食物同服務都唔錯，於是趁今晚得閒就去試一試。餐廳名字叫café paradise，openrice話由太子站行大概四分鐘就到，但可能天雨路滑，人多車多，一定唔止行四分鐘。不過餐廳喺地舖，響正紅綠燈位隔離，都幾搶眼易搵。撞啱星期六，無訂位嘅食客會被侍應請佢哋去另一間分店，所以如果有心一試呢度嘅佳餚，緊記要訂位呀。地方唔係大，所以會坐得幾親密。set dinner選擇都幾多，regular餐牌入邊嘅主菜，全都可以加錢轉做set。侍應介紹餐牌嘅時候，好有耐心同埋仔細。是日餐湯係西蘭花煙肉忌廉湯，味道幾濃，應該係煙肉功勞。田園沙律，無點樣加調味，比較清新，亦都避免咗沙律醬致肥嘅問題；不過有啲人可能會嫌棄佢太過青草味，但我又幾鍾意。主菜係香脆豬手配燒汁，上菜嘅時候，侍應有溫馨提示，可以反轉豬手去切，會容易啲，切完就要盡快返番轉，享受豬手嘅脆皮，否則擺得太耐先至反轉嘅話，好容易會淋咗，唔夠脆。豬手剛剛燒起，切嘅時候，啲煙係咁向上飛，香味非常吸引。本身豬肉嘅鹹香都好足夠，加啲燒汁，令到味道層次更加豐富。旁邊配色彩繽紛嘅菜，包
撞啱星期六，無訂位嘅食客會被侍應請佢哋去另一間分店，所以如果有心一試呢度嘅佳餚，緊記要訂位呀。地方唔係大，所以會坐得幾親密。
set dinner選擇都幾多，regular餐牌入邊嘅主菜，全都可以加錢轉做set。侍應介紹餐牌嘅時候，好有耐心同埋仔細。
是日餐湯係西蘭花煙肉忌廉湯，味道幾濃，應該係煙肉功勞。
西蘭花煙肉忌廉湯
5 views
0 likes
0 comments
田園沙律，無點樣加調味，比較清新，亦都避免咗沙律醬致肥嘅問題；不過有啲人可能會嫌棄佢太過青草味，但我又幾鍾意。
主菜係香脆豬手配燒汁，上菜嘅時候，侍應有溫馨提示，可以反轉豬手去切，會容易啲，切完就要盡快返番轉，享受豬手嘅脆皮，否則擺得太耐先至反轉嘅話，好容易會淋咗，唔夠脆。豬手剛剛燒起，切嘅時候，啲煙係咁向上飛，香味非常吸引。本身豬肉嘅鹹香都好足夠，加啲燒汁，令到味道層次更加豐富。旁邊配色彩繽紛嘅菜，包括紅菜頭、粟米、蘿蔔、翠玉瓜同埋薯蓉，顏色營養都好。
香脆豬手配燒汁
16 views
0 likes
0 comments
是日甜品係雪糕，味道隨機。呢個係士多啤梨味，奶嘅比例比較少，口感更加接近雪葩；當中有粒粒嘅士多啤梨蓉，口感豐富，士多啤梨香味更加突出。
士多啤梨味雪糕
12 views
0 likes
0 comments
餐飲如果叫咖啡或茶，唔使加錢。今晚加咗15蚊升級做特飲。
呢杯係薄荷朱古力，非常清香又夠醒神。
薄荷朱古力
15 views
0 likes
0 comments
飲品餐牌好搶眼，中間嘅立體設計，非常之有心思。
Post
